„ყველა ის მოთხოვნა, რომელიც კონტრაქტით იყო გათვალისწინებული, არის შესრულებული“,- ასე გამოეხმაურა, საზოგადოებრივი მოძრაობა „ლელოს“ დამფუძნებელი, მამუკა ხაზარაძე მთავრობის გადაწყვეტილებას, „ანაკლიის განვითარების კონსორციუმთან“ საინვესტიციო ხელშეკრულების შეწყვეტის თაობაზე.

ხაზარაძის თქმით, დავა ,რომელიც იქნება ძალიან სერიოზული, გაგრძელდება საერთაშორისო სასამართლოში, რადგან ივანიშვილი ამ გადაწყვეტილებით სახელმწიფოს ინტერესების წინააღმდეგ მიდის.

„დღევანდელი მთავრობის გადაწყვეტილება, იმ მთავრობის, რომელიც ვერ აგვარებს ელემენტარული წყლის მომარაგების პრობლემას,  რომელსაც არანაირი უნარი არ გააჩნია ქვეყნის მართვის, როგორ შეიძლება გვესაუბრონ ისინი ამხელა პროექტის გაჩერებაზე, ბიძინა ივანიშვილის თამადობით, დაასრულა პირველი ეტაპი სპეცოპერაციის, რომელიც ანაკლიის პორტის გაჩერებას გულისხმობს.

მინდა ვუთხრა პირადად ივანიშვილის, მან კი ამ ეტაპზე შეასრულა კრემლის დავალება, მაგრამ ქართველი ხალხი მას არ აპატიებს იმას, რომ მან გააჩერა ჩვენი ქვეყნისთვის უმნიშვნელოვანესი პროექტი, გააკეთა ყველაფერი იმ მართული თოჯინების მეშვეობით, რომელთა სახელის ხსენებაც არ მინდა.

ჩვენ ამ წერტილს ველოდებოდით. ეს იქნება ძალიან სერიოზული დავა, იმიტომ რომ ისინი წავიდნენ ჩვენი სახელმწიფოს ინტერესების წინააღმდეგ. ეს არის სახელმწიფოს წინააღმდეგ ღალატი. ჩვენ ამ დავას გავაგრძელებთ საერთაშორისო სასმართლოში, არ დავუთმობთ არც ერთ ნაბიჯს და გამოვაშკარავებთ ყველა ქმედებას, იმ მთავრობის წევრებისა რომლებსაც აქამდე არ ვასახელებდით, რომლებიც ებრძოდნენ ანაკლიის პროექტს.

დღესაც კი არსებობს ინვესტორი და ყველა ის მოთხოვნა, რომელიც კონტრაქტით იყო გათვალისწინებული არის შესრულებული. სახელმწიფომ ე.წ გადავადებებით თვალი აუხვია საზოგადოებას და გააგრძელა დესტრუქციული ნაბიჯები, რომლებიც ეწინააღმდეგებოდა კომპანიის და ამ პროექტის განხორციელებას.

ქართველი ხალხი ისევე გაუწყვეტს კონტრაქტს ბიძინა ივანიშვილს და მის „ქართულ ოცნებას“, რომელიც მხოლოდ დესტრუქციით და შავი ოცნებით აისახება ქართველი ხალხის მეხსიერებაში, როგორც მან დღეს გაუწყვიტა კონტრაქტი ჩვენ მომავალს“, - განაცხადა მამუკა ხაზარაძემ.

შეგახსენებთ, დღეს მთავრობის სხდომის დასრულების შემდეგ ცნობილი გახდა, რომ მთავრობა „ანაკლიის განვითარების კონსორციუმთან“ საინვესტიციო ხელშეკრულების შეწყვეტის პროცედურებს იწყებს. როგორც რეგიონული განვითარებისა და ინფრასტრუქტურის მინისტრმა, მაია ცქიტიშვილმა აღნიშნა, იწყება ახალი პარტნიორების მოძიების პროცესი, რათა ანაკლიის პორტის პროექტი სწრაფად განხორციელდეს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა