ზუგდიდის გამგეობამ შშმ პირებს ეტლები გადასცა

2015-07-27 10:25:06, 5859 ნახვა

რეგიონი

ზუგდიდის მუნიციპალიტეტის გამგებლის მოადგილემ გიზო სართანიამ და სოციალური განყოფილების უფროსმა გოგი რევიამ დღეს ზუგდიდის მუნიციპალიტეტის ადმინისტრაციულ ერთეულებში ( ჭითაწყარი, ნაწულუკუ, ბაში, ნარაზენი) მცხოვრებ 12 შეზღუდული შესაძლებლობის მქონე პირს ეტლები პირადად გადასცეს.

აღნიშნული ეტლები ზუგდიდის მუნიციპალიტეტის გამგეობას საჩუქრად ქალთა ასოციაციამ „ქალები სიცოცხლისა და ჯანმრთელობისათვის“ გადასცა. ეტლები გადაეცათ ისეთ პირებს, რომლებსაც საერთოდ არ ჰქონდათ ეტლი, ან ჰქონდათ და დაზიანებული იყო.

შეზღუდული შესაძლებლობის მქონე პირებისთვის ახალი ეტლების შეძენა წარმოადგენდა მნიშვნელოვან პრიორიტეტს მუნიციპალიტეტის გამგეობისთვის. დღეს გადაცემული ეტლები კი თანამედროვე ტიპის, რბილი სავარძლის მქონე, კომფორტულ ეტლს წარმოადგენს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან