2020-01-04 13:13:42, 3199 ნახვა
პოლიტიკა
ზალკალიანი აშშ-სა და ირანს შორის დაძაბულობაზე: დიპლომატიის დრო მოვიდა
„ვითარების დეესკალაციისთვის და დაძაბულობის შემცირებისთვის დიპლომატიის დროა“, - ასე ეხმაურება საქართველოს საგარეო საქმეთა მინისტრი დავით ზალკალიანი აშშ-სა და ირანს შორის არსებულ დაძაბულ ვითარებას სოციალურ ქსელ „ტვიტერში“.
მისი თქმით, აშშ-ს აქვს ლეგიტიმური უფლება, რომ საკუთარი მოქალაქეები დაიცვას.
„ჩვენ დავგმეთ ბოლოდროინდელი ძალადობა, პროვოკაციული თავდასხმა ბაღდადში აშშ-ის საელჩოზე. აშშ-ს აქვს ლეგიტიმური უფლება, დაიცვას საკუთარი მოქალაქეები. ვითარების დეესკალაციისთვის და დაძაბულობის შემცირებისთვის დიპლომატიის დროა“, - წერს ზალკალიანი.
ავტორი: ექსპრესნიუსი,
epn.ge (@expressnews.ge)
