„დღეს არ არის დროს ტრაგიკული მოვლენების პოლიტიზირების“ -ამის შესახებ პრემიერ-მინისტრმა, გიორგი გახარიამ, მთავრობის სხდომის დაწყებამდე განაცხადა, რითიც 15 წლის მოზარდის, ლუკა სირაძის გარდაცვალების ფაქტს გამოეხმაურა.

პრემიერი დარწმუნებულია, რომ სახელმწიფო ინსპექტორის სამსახური გამჭვირვალედ და ღიად გამოიძიებს ამ საქმეს.

„ღრმა მწუხარებას გამოვთქვამთ, 15 წლის მოზარდის ტრაგიკული გარდაცვალების გამო. დარწმმუნებული ვარ, სახელმწიფო ისნპექტორის აპარატი სრულად გამჭვირვალედ და ღიად გამოიძიებს ამ საქმეს ისე, რომ არ დარჩება არც ერთი კითხვის ნიშანი საზოგადოებაში. შესაბამისი დავალებები მიიღო ყველა უწყებამ, რომ სრულად ითანამშრომლონ სახელმწიფო ინსპექტორის გამოძიებასთან.

მისივე თქმით, სახელმწიფომ და შესაბამისმა უწყებებმა მსგავსი ფაქტების აღმოსაფხვრელად შესაბამისი რეფორმები უნდა ჩაატაროს.

„ჩვენ ასევე უნდა გავაკეთოთ გარკვეული დასკვნები, უფრო სწრაფად და სისტემურად უნდა ვიმოქმედოთ მოზარდების მართლმსაჯულების მიმართულებით და უნდა გავცეთ კონკრეტული დავალებები შესაბამის უწყებებს.

შსს-მ უნდა იზრუნოს მოზარდების დაკითხვების და სივრცის შევრცის თვალსაზრისით, განათლების სამინისტრომ სხვა უწყებებთან ერთად უნდა იზრუნოს მუდმივი და განგრძობადი კვალიფიკაციის ამაღლების მიმართულებით, ყველა იმ სახელმწიფო მოხელისთვის, რომელსაც შემხებლობა აქვს მოზარდებთან. ჯანდაცვის სამინისტრომ, სოციალური მიმართულლებით უნდა იზრუნოს იმ პრობლემებზე, რაც შეეხება იუსტიციის სამინისტროს, უნდა იზრუნოს მოზარდების საკანონმდებლო დაცვაზე. დღეს არ არის დროს ტრაგიკული მოვლენების პოლიტიზირების, დღეს არის დრო, კონკრეტული ნაბიჯების, რათა მსგავსი ტრაგიკული მოვლენები თავიდან ავირიდოთ“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა

აშშ-მ და უკრაინამ მაიამიში მიმდინარე მოლაპარაკებები შეაჩერეს

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ