2019-12-18 01:33:28, 18304 ნახვა

---

დეკანოზი თამაზ ლომიძე: ფარისევლობაა ჩვენგან ბარბარობის აღნიშვნა მაშინ, როცა ბავშვს "ამ ცხოვრების დედაც"-ო აღმოხდა

დეკანოზი თამაზ ლომიძე 15 წლის მოზარდის გარდაცვალებას ეხმაურება.

როგორც დეკანოზი სოციალურ ქსელში წერს, ფარისევლობაა "მორწმუნე" ერისგან დღესასწაულების აღნიშვნა მაშინ, როდესაც გამწარებული ბავშვი "ამ ცხოვრების დედაც"-ო ამბობს.

"დღეს, ლობიანების ჭამით ბარბარობა რომ იზეიმა “მორწმუნე” ერმა, ძალადობისგან სასოწარკვეთილმა, 15 წლის ბავშვმა თვითმკვლელობით დაასრულა სიცოცხლე. მეტი როგორღა უნდა გვამხილოს ღმერთმა, რომ ჩვენი “მორწმუნეობის” და “წილხვედრობის” მყრალი სიყალბე დავინახოთ?! ყალბია და საზიზღარი ფარისევლობაა ჩვენგან ამ დღესასწაულების აღნიშვნა, როცა ამ დროს ჩვენს გვერდით გამწარებულ ბავშვს აღმოხდება, “ამ ცხოვრების დედაც”-ო და შემდეგ ამის გამო მოძალადე ჯალათებისგან არაადამიანურად დასჯილი თავს მოიკლავს. ყარს ჩვენი სიყალბე! ისიც იცოდეთ, რომ წმ. ბარბარე ბავშვების მფარველია და ამ ბარბარობას საქართველომ მას კიდევ ერთი ბავშვი მოუკლა", - წერს დეკანოზი სოციალურ ქსელში.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი