2019-12-15 22:04:04, 1391 ნახვა
პოლიტიკა
ელიზაბეთ რუდი - კარგი იქნებოდა საქართველოს საარჩევნო სისტემის შეცვლა
"კარგი იქნებოდა საქართველოს საარჩევნო სისტემის შეცვლა ,- ამის შესახებ აშშ-ის ელჩის მოვალეობის შემსრულებელმა ელიზაბეთ რუდმა განაცხადა.
აშშ-ს ელჩის მოვალეობის შემსრულებელის თქმით, დიალოგის მესამე რაუნდმა ჩაიარა კონსტრუქციულ გარემოში.
“დიალოგის მესამე რაუნდმა ჩაიარა კონსტრუქციულ გარემოში და ვიტყოდი ყველა თანხმდება, რომ კარგი იქნებოდა საქართველოს საარჩევნო სისტემის შეცვლა, როგორც წინგადადგმული ნაბიჯი საქართველოს დემოკრატიული განვითარებისთვის. როგორც მოსალოდნელი და დაგეგმილი იყო, ჩვენ ვისაუბრეთ პარლამენტში მაჟორიტარული მანდატების გადანაწილების ცვლილებაზე მრავალმანდატიანი მაჟორიტარული ოლქების მოდელის მიხედვით. დღეს ჩვენ ვერ მივაღწიეთ ამ საკითხზე შეთანხმებას”, - განაცხადა რუდმა.
ავტორი: ექსპრესნიუსი,
epn.ge (@expressnews.ge)
