„ლეიბორისტული პარტიის“ ლიდერი შალვა ნათელაშვილი აცხადებს, რომ ღევანდელ შეხვედრაზე დიპლომატიურ კორპუსს „ქართული ოცნების“ თავმჯდომარის, ბიძინა ივანიშვილის ქონების დაყადაღება სთხოვა.

როგორც ნათელაშვილმა „TV პირველის“ ეთერში განაცხადა, მმართველი გუნდის ლიდერს საქართველოდან „მოპარული“ ქონება ევროპის ქვეყნებში გააქვს და იქ აბანდებს.

„ჩემი გამოსვლის დროს მთავარი მოთხოვნა გახლდათ ივანიშვილის მილიარდების დაყადაღება ევროპის ბანკებში. მას ჩვენგან მოპარული სიმდიდრე გააქვს სწორედ ჩვენს მოკავშირე ევროპის სივრცეში, იქ ყიდულობს უძრავ ქონებას, იქ აბანდებს აქციებში და აქტივებში, იქ ინახავს პირდაპირ ნატურალურად. მე დიპლომატიურ კორპუსს კიდევ ერთხელ ვთხოვე განსაკუთრებით ევროკავშირიდან აკრედიტირებულს, რაც მალე იქნება დაყადაღება, დაპატიმრება, ფინანსური სანქციები ივანიშვილის ქონებაზე რუსი ოლიგარქების წინააღმდეგ ფორმატში და უკვე ეს გაკეთებულია ევროპაში აბრამოვიჩიდან დაწყებული ვერიპასკამდე ყველა  სანქცირებულია, მით მალე და კატაკლიზმების გარეშე გადავა საქართველო განვითარების აი იმ  ეტაპზე, რისთვისაც მთელი ერი ამდენი წელი და საუკუნეა ვიბრძვით და რისი იმედიც აქვს ჩვენს ევროპელ მეგობრებს. იმდენად უყვარს ივანიშვილს ფული და ქონება, რომ 1 ევროც, რომ დაუყადაღონ ევროპის ბანკებში, ის იმ წუთას მიატოვებს თავის სამარცხვინო აქოთებულ გუნდს, იმ წუთში მიატოვებს პუტინს, თავის მფარველებს, იმ წუთში დაანებებს თავს სამუდამო დიქტატორობაზე ოცნებას და აიღებს ხელს ერთპიროვნული ტოტალიტარული რეჟიმის ჩამოყალიბებაზე“,- განაცხადა ნათელაშვილმა.

ავტორი: ექსპრესნიუსი,

სოციალური ქსელები

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით