პეტრიაშვილი გომელაურს: მიხედე პანიკსს, ალაგმე ფუნდამენტალიზმი და იქნები წარმატებული

2015-07-20 13:38:53, 3908 ნახვა

Lifestyle

პარტია „თავისუფალი დემოკრატების“ წევრი ალექსი პეტრიაშვილი „ფეისბუქის“ საკუთარ გვერდზე შინაგან საქმეთა მინისტრს და სახელმწიფო უსაფრთხოების ხელმძღვანელის კანდიდატს ვახტანგ გომელაურს რამდენიმე რჩევას აძლევს.
პეტრიაშვილი აღნიშნავს, რომ თუ გომელაური ისეთივე ერთგულებით იზრუნებს ყველა მოქალაქის უსაფრთხოებაზე, როგორც ივანიშვილის უსაფრთხოებაზე ზრუნავდა, მაშინ წარმატებული იქნება.
„რამდენიმე რჩევა სუს-ის ახლადწარდგენილ ხელმძღვანელს ვახტანგ გომელაურს (მაინც მისმენდა და მიყურებდა და ღიადაც ვეტყვი ბარემ):
თუ მიახლოებით ისეთივე ერთგულებით იზრუნებს ყველა მოქალაქის უსაფრთხოებაზე, როგორც ზრუნავდა და ზრუნავს ბიძინა ივანიშვილის უსაფრთხოებაზე, ის იქნება წარმატებული;
თუ მოსასმენ/სათვალთვალო აპარატურას გამოიყენებს ჩვენს ქვეყანაში გაპარპააშებული რუსული სპეცსამსახურების და არა ოპოზიციონერი პოლიტიკოსების წინააღმდეგ, იქნება წარმატებული;
მიხედე პანკისს, ალაგმე ფუნდამენტალიზმის საფრთხე და იქნები წარმატებული!“,-წერს ალექსი პეტრიაშვილი.
ცნობისთვის, პრემიერ-მინისტრმა ირაკლი ღარიბაშვილმა შინაგან საქმეთა მინისტრი ვახტანგ გომელაური სახელმწიფო უსაფრთხოების ხელმძღვანელის კანდიდატად დაასახელა.