შინაგან საქმეთა მინისტრის მოვალეობის შემსრულებელი ვახტანგ გომელაური მიიჩნევს, რომ ალექსანდრე ჭიკაიძემ გადადგომის შესახებ სწორი გადაწყვეტილება მიიღო.

ამის შესახებ გომელაურმა ჟურნალისტებს სამების საკათედრო ტაძარში განუცხადა, სადაც იური ვაზაგაშვილის სამოქალაქო პანაშვიდი მიმდინარეობს.

როგორც გომელაურმა განმარტა, ჭიკაიძე გადადგა იმისათვის, რომ იური ვაზაგაშვილის გარდაცვალების საქმეზე გამოძიებასთან დაკავშირებით ეჭვები არ გაჩნდეს.

„ეს ალექსანდრე ჭიკაიძის გადაწყვეტილება იყო და ვფიქრობ, სწორი გადაწყვეტილება მიიღო იმიტომ, რომ მის მიმართ გაისმა ბრალდებები სხვადასხვა საკითხებთან დაკავშირებით, თითქოს ის მკვლელობებს მფარველობდა. მისი გადაწყვეტილება სწორი იყო, რადგან ვაზაგაშვილის გარდაცვალების საქმის გამოძიებასთან დაკავშირებით, ეჭვი არავის შეეპაროს“, - განაცხადა ვახტანგ გომელაურმა.

ცნობისთვის, სამების საკათედრო ტაძარში იური ვაზაგაშვილის სამოქალაქო პანაშვიდი მიმდინარეობს, რომელსაც საქართველოს კათოლიკოს-პატრიარქი ილია მეორე ატარებს.

სამების ტაძარში ყოფილი პრემიერ-მინისტრი ბიძინა ივანიშვილიც იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სიკორსკიმ ნატოს ქვეყნებს მოუწოდა, უკრაინის თავზე რუსული დრონები და რაკეტები ჩამოაგდონ

ირაკლი კობახიძე ირანის ელჩს პასუხობს: ჩვენს პოლიტიკას ყველა გაგებით უნდა მოეკიდოს

შემოსავლების სამსახურს მამუკა ბარათაშვილი უხელმძღვანელებს, საგამოძიებოს მერაბ გამყრელიძე

კობახიძე კვლავ წუხს ევროპის ლიდერების და ქვეყნების ბედზე