დედაქალაქის მერიის მხარდაჭერით, ფესტივალი „ციფრული თბილისი“ 25-27 ოქტომბერს სხვადასხვა ლოკაციაზე გაიმართება და მასზე დასწრება თავისუფალია.

დღეს, სიმონ ჯანაშიას სახელობის ეროვნულ მუზეუმში ფესტივალთან დაკავშირებულ პრესკონფერენციას თბილისის მერის მოადგილე სოფიო ხუნწარია დაესწრო.

„მნიშვნელოვანია, რომ თბილისს კიდევ ერთი ახალი ფესტივალი შეემატა. „ციფრული თბილისი“ პირველი პროექტია, რომელიც ნანტი - თბილისის დაძმობილების 40 წლის იუბილეს ეძღვნება. ფესტივალი განავითარებს სახელოვნებო სცენას, მნიშვნელოვანია რომ მასში ჩართულები არიან ქართველი და საერთაშორისო და დარწმუნებული ვარ, რომ შედეგად თბილისი გახდება მიმზიდველი ჰაბი მსოფლიო ხელოვანებისთვის“ - განაცხადა სოფიო ხუნწარიამ.

„ციფრული თბილისი“ 25 ოქტომბერს, 20:00 საათზე, სიმონ ჯანაშიან სახელობის ეროვნული მუზეუმის ეზოში გაიხსნება, სადაც წარმოდგენილი იქნება ალექს ოჟიეს აუდიოვიზუალური სივრცითი პერფორმანსი „nybble“, რომელიც 2017 წელს, ესპანეთში შეიქმნა L.E.V ფესტივალისთვის.

26 ოქტომბერს, 20:00 საათზე, ფესტივალი ღვინის ქარხანა N1-ში გადაინაცვლებს, სადაც მაყურებელი გიომ მარმენის „სინათლე, მეტი სინათლეს“ იხილავს. ავტორი იკვლევს ხმას, სინათლეს და სივრცეს. აღნიშნული პროექტი „კლინიკური სიკვდილის“ თემის გამოძახილია, რომლის სახელწოდება Licht, mehr Licht!” გოეთეს უკანასკნელი სიტყვებიდან მოდის.

27 ოქტომბერს, 20:00 საათზე, თბილისის ფოტოგრაფიისა და მულტიმედიის მუზეუმში, მიქაელ ლაფონტენისა და ქართველი არტისტების ინსტალაცია - თბილისის აუდიოგრაფიული რუკა იქნება წარმოდგენილი.

27 ოქტომბერს, 22:00 საათიდან, ფესტივალი კლუბ „მტკვარზე“, გიომ მარმენისა და კორძის კოლაბორაცია-პერფორმანსით დასრულდება. Cyclic Patterns გიომ მარმენის, ფრანგი ციფრული არტისტისა და ქართველი მუსიკოსის, კორძის 30-წუთიანი AV პერფორმანსია, რომლის ორიგინალური სცენოგრაფია სივრცით კონცეფციაზეა დაყრდნობილი: წრე მონიშნულია 16 ვერტიკალური LED განათებით, რომლის ცენტრშიც ორი არტისტი ხვდება ერთმანეთს.

„ციფრული თბილისი“ წარმოადგენს ფრანგული მულტიმედიური ფესტივალის - „სკოპიტონი“ (Scopitone. Stereolux. ნანტი. საფრანგეთი) შვილობილ ფესტივალს თბილისში, რომელიც ადაპტირებულია ქართული სახელოვნებო სცენისთვის. ფესტივალის მიზანია ფრანგულ „სკოპიტონთან“ კოლაბორაციის შედეგად, ქართველ ხელოვანებთან ერთად შეიქმნას საინტერესო კო-პროდუქცია საერთაშორისო სახელოვნებო სცენისთვის და პარალელურად, თბილისი წლიდან წლამდე საერთაშორისო არტისტებისთვის მიმზიდველ პროფესიულ ჰაბად იქცეს.

(NS)

ავტორი: ექსპრესნიუსი,

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს