პირველი ნოემბრიდან, A-კატეგორიის ტაქსის მძღოლები თბილისის მერიისგან ქიმიური წმენდის ვაუჩერებს უსასყიდლოდ მიღებენ, - ამის შესახებ დედაქალაქის მერმა კახა კალაძემ მთავრობის სხდომაზე განაცხადა. 

როგორც კალაძემ აღნიშნა, ის მძღოლები, რომლებიც ვაუჭერს გამოიყენებენ, დამატებით ავტომობილის მოსავლელი საშუალებების შესაძენად 20%-იან ფასდაკლების ბარათებს მიიღებენ.

ამასთან, კალაძემ ასევე აღნიშნა, რომ ტაქსების შიდა მოწესრიგებულობაზე მკაცრი კონტროლი დაწესდება.

"ყველა ის ტაქსის მძღოლი, რომელიც ისარგებლებს ქიმიური წმენდის ვაუჩერით, აქვე მინდა ვთქვა, რომ მათ არაფერი ექნებათ გადასახდელი, უბრალოდ უნდა მობრძანდნენ, დამატებით გადაეცემათ "ვიანორის" 20%-იანი ფადაკლების ბარათები. ეს კომპანია ყიდის სხვადასხვა საშუალებებს, რომლებიც შესაძლოა ტაქსის მძღოლებს მანქანიის მოვლისთვის დასჭირდეთ. ეს ხდება იმისთვის, რომ ავტომობილები იყოს სუფთა და მოწესრიგებული, აგრეთვე იმისთვის, რომ მგზავრი დარჩეს კმაყოფილი. ეს ხარჯები ტაქსის მძღოლებზე არ აისახება და რაც არანაკლებ მნიშვნელოვანია, ბიუჯეტიდან არც ერთი თეთრი არ დაიხარჯება. ჩვენ მოგაწვდით სმს-ის მეშვეობით ყველა იმ სერვის-ცენტრის მისამართს, სადაც პირდაპირ შეგეძლებათ მისვლა და A-კატეგორიის ტაქსის მძღოლებს შეეძლებათ პირდაპირ იქ მივიდნენ", - განაცხადა კახა კალაძემ. 

კახა კალაძემ ტაქსების რაოდენობაზეც ისაუბრა და განაცხადა, რომ ამჟამად დედაქალაქში A კატეგორიის 9000-მდე ტაქსი მოძრაობს და ეს რიცხვი მზარდია. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

საფრანგეთის საპრეზიდენტო არჩევნების ლიდერები - პირველ ადგილს პოპულისტი მემარჯვენე ლეპენია

პროკურატურა - თბილისში, ერთ-ერთ რესტორანში, ვატო ყიფიანი, ავთანდილ ბილანიშვილი და შოთა ყიფიანი ფიზიკურად გაუსწორდნენ დაზარალებულს

საქართველოს ბანკი მსოფლიოში საუკეთესო AI ბანკი და საუკეთესო ციფრული ბანკია ფიზიკური პირებისთვის - Global Finance

კრიმინალური ავტორიტეტი ვატო ყიფიანი და ავთანდილ ბილანიშვილი (კაწრო) დააკავეს