2019-10-12 11:41:49, 2635 ნახვა
საზოგადოება
„ბაქსვუდის საერთაშორისო სკოლის“ პერსონალს პირველადი დახმარების ტრენინგები ჩაუტარდა
ჯანდაცვის სამინისტროს სსიპ საგანგებო სიტუაციების კოორდინაციისა და გადაუდებელი დახმარების ცენტრის ინსტრუქტორებმა გადაუდებელი დახმარების შესახებ სწავლება "ბაქსვუდის საერთაშორისო სკოლის" მასწავლებლებსა და უსაფრთხოების დაცვის წევრებს ჩაუტარეს.
მსმენელებმა ტრენინგების საშუალებით მიიღეს ინფორმაცია, თუ როგორ უნდა დაეხმარონ დაშავებულს სასწრაფოს ეკიპაჟის მისვლამდე, გონების კარგვის, გულის გაჩერების, ტრავმის მიღების, სასუნთქი გზების დახშობისა და ინტოქსიკაციის შემთხვევაში.
პირველადი გადაუდებელი სამედიცინო დახმარების სწავლება ამ მიმართულებით საზოგადოების ცნობიერების ამაღლებასა და შესაბამისი უნარების განვითარებას ისახავს მიზნად.
(NS)
ავტორი: ექსპრესნიუსი,
epn.ge (@expressnews.ge)
