„მინდოდა თადუმაძისთვის თვალებში ჩამეხედა და კითხვა დამესვა“ - მაჩალიკაშვილი კომიტეტის სხდომაზე არ შეუშვეს

2019-10-09 13:54:38, 1696 ნახვა

საზოგადოება

პანკისის ხეობაში სპეცოპერაციის დროს მოკლულ თემირლან მაჩალიკაშვილის მამას, მალხაზ მაჩალიკაშვილს პარლამენტში არ უშვებდნენ.

მაჩალიკაშვილს საკანონმდებლო ორგანოში შესვლა და გენერალური პროკურორისთვის შალვა თადუმაძესთვის კითხვის დასმა სურდა. აღნიშნულ მოთხოვნას, პარლამენტთან ხმაური მოჰყვა. მას შემდეგ, რაც "ნაციონალური მოძრაობის" წევრებმა იურიდიულ საკითხთა კომიტეტის სხდომაზე, პარლამენტში მაჩალიკაშვილის არ შეშვების საკითხი დააყენეს, მას შენობაში შესვლის უფლება მიეცა.

ამასთან, როგორც მაჩალიკაშვილს განუმარტეს, მას იურიდიულ საკითხთა კომიტეტის სხდომაზე, სადაც დეპუტატები შალვა თადუმაძეს უსმემენ, დასწრების და კითხვის დასმის უფლება არ აქვს.

თავად მაჩალიკაშვილი ჟურნალისტებთან საუბარში აცხადებდა, რომ მას თადუმაძისთვის "თვალებში ჩახედვა" სურდა.

ამ დროისთვის, მალხაზ მაჩალიკაშვილი პარლამენტის შენობაში იმყოფებოდა, თუმცა სხდომას არ ესწრება.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან