„ყველაფერი რაც ამ დღეების განმავლობაში მოხდა არის პირდაპირი პროვოკაცია“,-ასე გამოეხმაურა რუსეთის საგარეო საქმეთა მინისტრის მოადგილე გრიგორი კარასინმა ე.წ. საოკუპაციო ზოლზე ახალი ბანერების დამონტაჯებას.  
კარასინის თქმით,  საზღვრი არავის არ გადაუწევია და ის თავის ადგილზე რჩება. 
„ყველაფერი რაც ამ დღეებში მოხდა, ჩემი აზრით, არის პირდაპირი პროვოკაცია, მიმართული იმ კურსის წინააღმდეგ, რომელიც ურთიერთობების ნორმალიზებას ითვალისწინებს. მე ჩემ აზრზე ვრჩები, ყველა სასაზღვრო ნიშნები, რომლებიც ადგილზე 8 აპრილამდე იყო, აღადგინეს, მაგრამ ეს აბრები ისევ ჩამოხსნეს. შესაბამისად თბილისში მოქმედებენ ძალები, რომლებსაც კატეგორიულად არ სურთ ურთიერთობების ნორმალიზება რუსეთის ფედერაციასთან, სამხრეთ ოსეთთან და აფხაზეთთან და ამ მიზნით ყველა შესაძლებლობას იყენებენ. საზღვრის გადაწევას ადგილი არ აქვს, ის თავის ადგილზე რჩება. ვითარების გასარკვევად ჟენევის დისკუსიების ფარგლებში შექმნილია ინციდენტების პრევენციისა და მათზე რეაგირების მექანიზმი“,-აღნიშნა კარასინმა. 
ამასთან, მისივე შეფასებით, რუსულ-ქართულმა მხარეებმა ცივულიზებულ ლოგიკას უნდა მიყონ ხელი, იმისთვის, რომ ორ ქვეყანას შორის ურთიერთობები დალაგდეს.
„რამდენადაც ვიცი, სამხრეთ ოსეთის მხარემ ჟენევის დისკუსიების თანათავმჯდომარეებს და ქართულ კოლეგებს გაუგზავნა წინადადება, რომ ერგნეთში საგანგებო სხდომა გაიმართოს და განიხილოს ეს საკითხი. აი სწორედ ასე უნდა მოქმედებდე, უნდა მოიქცე ცივილიზებულად. თუ გინდა, სიმშვიდე და ურთიერთობების ნორმალური განვითარება, არ უნდა მივმართოთ საჯარო დემონსტრაციებს, პროვოკაციებს და ნგრევას. უნდა მივყვეთ ცივილიზებულ ლოგიკას. გარწმუნებთ, რომ ჩვენ გვეყოფა მოთმინება და გავაგრძელებთ ურთიერთობების ნორმალიზების კურსს, ხოლო პროვოკატორებს სათანადო სიტყვიერ და ლოგიკურ წინააღმდეგობას გავუწევთ.
სამხრეთ ოსეთის რესპუბლიკის ხელისუფლების განკარგულებით, ეს სასაზღვრო ნიშნები დაამონტაჟა რუსეთის სასაზღვრო სამსახურმა და ისინი ადგილზე იდგა მიმდინარე წლის 8 აპრილამდე. ვინ ამოიღო ისინი? ეს ხალხი უნდა იპოვონ და დასაჯონ პროვოკაციისთვის. არავის არაფერი არსად არ გადაუწევია. შეიკრიბონ ქართული მხარე, სამხრეთ ოსეთისა და ევროკავშირის სადამკვირვებლო მისიის წარმომადგენლები და გაერკვნენ ამ საკითხში. ვნახავთ, შედეგი ზუსტად ისეთი იქნება, როგორც მე მოგახსენეთ,“-განაცხადა კარასინმა. 
ცნობისთვის, პრაღაში აბაშიძე-კარასინის შეხვედრა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა