მსოფლიოს წამყვანმა ქვეყნებმა ირანთან ატომურ მოლაპარაკებებზე შეთანხმებას მიაღწიეს, რომლის მიხედვითაც ირანი შეამცირებს ატომურ აქტივობას, ქვეყანაზე დაკისრებული საერთაშორისო ეკონომიკური სანქციები კი მოიხსნება.

ირანის საგარეო საქმეთა მინისტრმა მოჰამად ზავად ზარიფმა აღნიშნულ შეთანხმებას „ისტორიული“ უწოდა. შეთანხმების მიხედვით, ირანი გაერთიანებული ერების ორგანიზაციას საშუალებას აძლევს, აწარმოოს ინსპექცია ქვეყნის ტერიტორიაზე.

მოლაპარაკებები ირანსა და მსოფლიოს ექვს წამყვან ქვეყანას (აშშ, ბრიტანეთი, საფრანგეთი, ჩინეთი, რუსეთი, გერმანია) შორის 2006 წელს დაიწყო. მოლაპარაკებების მიზანი ირანის მიერ ატომური იარაღის შექმნის პრევენცია იყო.

მოლაპარაკებებთან დაკავშირებით კომენტარი გააკეთა ევროკავშირის წარმომადგენელმა საგარეო საქმეებში, ფედერიკა მოგერინიმ, რომელმაც შეთანხმებას „იმედის ნიშანი მთელი მსოფლიოსათვის“ უწოდა.

„ეს არის გადაწყვეტილება, რომელიც შეიძლება იქცეს საერთაშორისო ურთიერთობების ახალი გვერდიდან დაწყების გარანტად“, - განაცხადა მოგერინიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა