თბილისი-სენაკი-ლესელიძის საავტომობილო გზის ხაშური-აგარის მონაკვეთზე ავტოსაგზაო შემთხვევა მოხდა, რა დროსაც საპატრულო პოლიციის თანამშრომლები დაშავდნენ. 

არსებული ინფორმაციით, გზისპირა ზოლში გაჩერებულ საპატრულო პოლიციის ავტომობილს მოძრავი ტრაილერი შეეჯახა.

როგორც "ექსპრესნიუსს" შინაგან საქმეთა სამინისტროში განუცხადეს მომხდართან დაკავშირებით, გამოძიება სსკ-ის 276-ე მუხლის მეორე ნაწილით მიმდინარეობს, რაც ტრანსპორტის მოძრაობის წესებისა და ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. 

ერთ-ერთი პოლიციელის ჯანმრთელობის მდგომარეობა უკიდურესად მძიმეა და მას ქარელის საავადმყოფოდან თბილისში შსს-ს ვერტმფრენით გადაიყვანენ. 

"სარეზერვო ზოლში მდგარ საპატრულო პოლიციის მანქანას უკნიდან შეეჯახა დიდი სიჩქარით მოძრავი ტრაილერი, რის შემდეგაც საპატრულო პოლიციის ავტომანქანა ამოტრიალდა. შეჯახების შედეგად პოლიციის ორი თანამშრომელი დაშავდა. მათგან ერთი მძიმედ დაშავდა, მეორე მსუბუქად", - აცხადებენ უწყებაში.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ევროკავშირი უკრაინას Starlink-ის ალტერნატივას შესთავაზებს

Toyota Center Tegeta-ს ოფროუდტური - ახალი გამოცდილება 4X4 ავტომობილების მოყვარულებისთვის

პენიტენციური სამსახური ამტკიცებს, რომ პატიმარი საწოლის მეორე სართულიდან გადმოვარდა, პირქვე დაეცა და გარდაიცვალა

სააკაშვილი- უნიათო დიქტატორი პარტიებს ვერ აკრძალავს