გერმანიულ-კავკასიური გაერთიანების, ჩეჩნური დიასპორის ორგანიზებით, გერმანიაში, რუსეთის საელჩოსთან  საპროტესტო აქცია იმართება.

აქციის პირდაპირ ეთერს „რადიო თავისუფლება“ ავრცელებს.

დემონსტრანტები 23 აგვისტოს, საქართველოს მოქალაქის, ეთნიკურად ჩეჩენის, ზელიმხან ხანგოშვილის მკვლელობის ფაქტს აპროტესტებენ.

„მინდა ყველა ქალს, ყველა დედას, ყველა დას, ყველა შვილს, ყველას, ვისაც ამდაგვარი სირთულეები განუცდია ცხოვრებაში, ალბათ კარგად გამიგებს. აქ ვდგავარი პრევენციისთვის, რომ მსგავსი რამეები აღარ განმეორდეს“, - განაცხადა ხანგოშვილის მეუღლემ.

აღსანიშნავია, რომ აქციის მონაწილეებს ადგილზე სხვადასხვა ბანერები აქვთ მიტანილი.

გარდა ამისა, დემნოსტრანტებს აქციაზე მიტანილი აქვთ ჩეჩენი ლტოლვილების სია, რომლებიც რუსეთის სპეცსამსახურების მიერ უცხოეთში იქნენ დახვრეტილები.

შეგახსენებთ, რომ პანკისელი ზელიმხან ხანგოშვილი რამდენიმე დღის წინ ბერლინში მოკლეს.  BBC-ის ინფორმაციით, ხანგოშვილის მკვლელობაში ბრალდებული 49 წლის რუსეთის მოქალაქეა, რომელიც გერმანიაში თავდასხმამდე რამდენიმე კვირით ადრე ჩავიდა. ის ბერლინში მოსკოვიდან, პარიზის გავლით ჩავიდა და უკან დასაბრუნებელი ბილეთიც ჰქონდა შეძენილი. BBC-ის მიერ მომზადებულ მასალაში ზელიმხან მარგოშვილის ვინაობაზეც არის საუბარი. მედიის ცნობით, ხანგოშვილი გერმანიაში საცხოვრებლად მას შემდეგ გადავიდა, რაც თბილისში მასზე თავდასხმა განხორციელდა.  მანამდე ვრცელი მასალა გერმანულმა გამოცემა Der Spiegel-მა გაავრცელა. გამოცემა წერდა, რომ ხანგოშვილის მკვლელობა შეკვეთილი იყო. ზელიმხან ხანგოშვილი 29 აგვისტოს პანკისის  ხეობაში დაკრძალეს.

ფოტო: რადიო თავისუფლების პირდაპირი ეთერი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

CNN: თუ აშშ ირანზე თავდასხმებს განაახლებს, შესაძლოა, „ყველა ბომბის დედა“ გამოიყენოს

თეთრი სახლი უარყოფს მონაწილეობას უკრაინაში Starlink-ის შეზღუდვებთან დაკავშირებით - Axios

სეს - საბავშვო ბაღებიდან აღებულ სურსათის ნიმუშებში დარღვევა არ გამოვლინდა

არგენტინიდან საქართველოში ექსტრადირებულია პირი, რომელიც აშშ-ში თავშესაფრის მისაღებად საჭირო ყალბი საქმეების დამზადების საქმეში ფიგურირებს