MAN-ის მარკის დარჩენილი 50 ავტობუსი, რომელიც თბილისში ივნისის ბოლომდე უნდა შემოეყვანათ, სექტემბრის ბოლოს იქნება, - ამის შესახებ დედაქალაქის მერმა, კახა კალაძემ განაცხადა.

 როგორც თბილისის მერმა აღნიშნა, აღნიშნულის გამო მას, კომპანიასთან ძალიან ცუდი საუბრები ჰქონდა.

„კომპანიასთან ძალიან ცუდი საუბარიც გვქონდა, რადგან მიუღებელია ეს ყველაფერი. კომპანიამ გაიმარჯვა ტენდერი და ეს არ არის უბრალო კომპანია. მსოფლიოში ერთ-ერთი საუკეთესო ბრენდია. მან აიღო ვალდებულება, 90 ერთეული ავტობუსი უნდა მოეწოდებინა ჯერ მაისის, შემდეგ კი ივნისის თვეში. მათ გარკვეული პრობლემები შეექმნათ. ყოველდღიური კომუნიკაცია გვაქვს და ბოლოს გვითხრეს, რომ სექტემბრის ბოლოსთვის იქნება მოწოდებული დარჩენილი 50 ავტობუსი. გარდა ამისა, სექტემბერში 200 ერთეული 8-მეტრიანი ავტობუსის ნაწილი შემოვა. მათი მოწოდება წლის ბოლოსთვის დასრულდება“, -განაცხადა კალაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე