საგანგებო სიტუაციების მართვის სამსახურის უფროსის პირველი მოადგილის ლევან ღირსიაშვილის განცხადებით, სოფელ საყავრეში მეხანძრე მაშველები მუშაობას მთელი ღამის განმავლობაში გააგრძელებენ. 

როგორც მან ჟურნალისტებს განუმარტა, ამ ეტაპზე აგრეთვე ზარალის დათვლის პროცესი მიმდინარეობს. 

"დაახლოებით 40 ჰექტრამდე არის დამწვარი, აქედან 10 ჰექტარი არის სახელმწიფო ტყის ფონდის ტერიტორია. დანარჩენი 30 ჰექტარი არის ბალახი. ზიანის დათვლა მიმდინარეობს. მიმდებარე ტერიტორიაზე არის სოფლები და საძოვრები. ამ ეტაპზე ხანძირს გაჩენის ზუსტი მიზეზის დადგენა გვიჭირს, ამიტომ დაველოდოთ გამოძიებას", - განაცხადა ღირსიაშვილმა. 

შიდა ქართლში სახელმწიფო რწმუნებულის გიორგი ხოჯევანიშვილის ინფორმაციით, ხანძარი ამ დროისთვის ლოკალიზებულია. 

"ხანძარი უკვე ლოკალიზებულია. ამინდი ცოტა გაუარესდა, თუმცა ადგილზე სამაშველო სამსახურები მუშაობას აგრძელებენ. ჩართულია სპეცტექნიკაც. ადგილზე საგანგებო შტაბი მუშაობს", - აღნიშნა ხოჯევანიშვილმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე