ტელეკომპანია რუსთავი 2-ის ყოფილმა გენერალურმა დირექტორმა ნიკა გვარამიამ რუსთავი 2-ის ჟურნალისტებს ახალ, მის მიერ დაარსებულ ტელევიზიაში თანამშრომლობისკენ მოუწოდა.

როგორც გვარამიამ Facebook-ის საკუთარ გვერდზე დაწერა, ახალი ტელევიზიისთვის ინვესტორები, შენობა და ტექნიკა უკვე არის, ორშაბათიდან კი ჟურნალისტებთან კონტრაქტების გაფორმებას დაიწყებს.

„მეგობრებო, მე ჩემი სათქმელი ყველას ვუთხარი: ვაკეთებ ამბიციურ TV-ს, ინვესტორები - არის, ანუ ფული გვაქვს , შენობა - რ2ზე უკეთესი, ტექნიკაზე ხო ლაპარაკი ზედმეტია. კრიტიკული და საუკეთესო არხი ცხვება. მთავარი ხალხი, ვინც რ2ს აკეთებდა, ბორტზეა და გავდივართ.

აწი ხვეწნას არ ვაპირებ. ვინც აახტებით მიმავალ გემს და გამარჯვებულ ნავში ყოფნას ისურვებთ, თქვენი გადასაწყვეტია. მეორე არჩევანი - ივანიშვილის TV -ა. მერე არ თქვათ, რომ არჩევანი არ გქონდათ და კრედიტი და შვილებს რა ვაჭამო,  არ მოიმიზეზოთ.

მოკლედ, იყავით ჩვენთან ერთად და მოიპოვეთ ჩვენთან  ერთად თავისუფლება.

p.s. ბოლო ოთხი სიტყვა მთავარი არხის სლოგანია.

p.p.s. ორშაბათიდან ვიწყებთ დაკონტრაქტებას. ვისაც უნდა პატასალია - რჩება, ვისაც თავისუფლება - მოდის“, - წერს ნიკა გვარამია.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე