თბილისის მერის დავით ნარმანიას განცხადებით, ვისაც საბავშვო ბაღებში ბავშვის რეგისტრაციასთან დაკავშირებით პრობლემა შეექმნა, ისინი ეტაპობრივად იქნებიან დაკმაყოფილებულნი.

მისი თქმით, თბილისის მერიამ საბავშვო ბაღებში სამი ათასი ადგილი უკვე შექმნა და ამ ეტაპზე დამატებით ექვსი საბავშვო ბაღის მშენებლობა მიმდინარეობს.

„ჩვენ ბაღების რეგისტრაციის თვითონ პროცესი და ტექნიკური საშუალებები გავმართეთ, აქედან გამომდინარე საიტის მეშვეობით რეგისტრაციასთან დაკავშირებით პრობლემა არ ყოფილა, პრობლემას წარმოადგენს მხოლოდ ის, რომ მოთხოვნა მეტია, ვიდრე საბავშვო ბაღებში ადგილების რაოდენობა. ჩვენ სამი ათასზე მეტი ადგილი უკვე გავაჩინეთ ბაღებში, ეს არის დამატებით გარემონტებული ფართები, ასევე საბავშვო ბაღების დაბრუნებული შენობები, რომლებიც ჩვენმა წინამორბედებმა ჩამოართვეს ბაღებს და ჰქონდათ თავიანთ პარტიულ ოფისებად გადაქცეული. ამჟამად 6 საბავშვო ბაღის მშენებლობა მიმდინარეობს, საიდანაც ერთი სექტემბერში გაიხსნება, დანარჩენი კი ეტაპობრივად შემოდგომაზე და მომდევნო წლის გაზაფხულზე, რითაც დამატებით კიდევ შეგვეძლება ბავშვების მიღება. ასევე მომდევნო წლისთვისაც გვაქვს გეგმა. თუ ვინმეს რამე სახის პრობლემა შეექმნა, ისინი მივიდნენ ბაღების მართვის სააგენტოში, გააკეთეს შესაბამისი განცხადებები და ეტაპობრივად დაკმაყოფილდნენ“, - განაცხადა თბილისის მერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო