ქართული ინდუსტრიული კომპანია „აიგრუპი“ 2008 წლის აგვისტოს ომის 11 წლისთავს ეხმიანება და დაღუპული ჯარისკაცების ოჯახებს სამძიმარს უცხადებს.   

„აიგრუპის“  ინიციატივით, აგვისტოს ომში და ასევე, სამშვიდობო მისიებში  დაღუპული სამხედრო მოსამსახურეებისა და სხვა ძალოვანი უწყებების წარმომადგენლების მეუღლეებსა და მათ არასრულწლოვან შვილებს საჩუქრად  საქართველოს მთის კურორტის, კერძოდ კი, ბაკურიანის   ერთკვირიანი  საგზური გადაეცემათ.

„უკვე 11 წელი გავიდა 2008 წლის აგვისტოს ომის შემდეგ.  ჩვენ გვინდა, გამოვხატოთ დაღუპული გმირების მიმართ პატივისცემა და გვერდში დავუდგეთ მათ ოჯახებსა და  შვილებს. ადამიანებს, რომლებსაც ისინი ყველაზე მეტად უფრთხილდებოდნენ და იცავდნენ. ქართველი ჯარისკაცების გმირობა თითოეული ჩვენგანისთვის ისეთივე ძვირფასი და საამაყოა, როგორც მათი ოჯახებისთვის. 2008 წლის აგვისტოს ომში და ასევე, სამხედრო მისიებში დაღუპული გმირების ოჯახებს, რომელთაც ამ დროისთვის ჰყავთ არასრულწლოვანი შვილები, ბაკურიანის ერთ კვირიან საგზურებს გადავცემთ საჩუქრად. ამ პროექტის განხორციელებით, გვსურს, მადლობა გადავუხადოთ თავდადებისთვის ჩვენს გმირებს და მათ ოჯახებს,“- აცხადებს კომპანია „აიგრუპის“ დირექტორთა საბჭოს თავმჯდომარე, კახა გულედანი.

პროექტი აგვისტოს ომსა და სამშვიდობო მისიებში სამხედრო და ძალოვანი უწყებების  დაღუპული თანამშრომლების   85 ოჯახს მოიცავს.  პროგრამის განხორციელების პერიოდი აგვისტოს მეორე ნახევარი  და სექტემბერია.  კომპანია „აიგრუპი“ უზურნველყოფს, როგორც სასტუმროს, ასევე სამჯერადი კვებისა და ტრანსპორტირების ხარჯს.

„აიგრუპი“ აღნიშნული აქციით ასევე ეხმიანება პროგრამას „დაისვენე საქართველოში“, რომელიც თავის მხრივ, იმ კურორტების თანადგომას გულისხმობს, სადაც წელს ყველაზე მეტად იგრძნეს ტურისტების ნაკლებობა. ბაკურიანი საქართველოს ერთ - ერთი ყველაზე ცნობილი ზაფხულის და ზამთრის კურორტია, სადაც ადგილობრივი და უცხოელი ტურისტები ძირითადად, ბავშვებთან ერთად ისვენებენ. 

„აიგრუპი” პირველი ქართული ინდუსტრიული ჯგუფია საქართველოში,  რომელიც გლობალურად უდგება 21 საუკუნის გამოწვევებს. ჯანსაღი, ეკოლოგიურად სუფთა ბიზნესის წარმოება ის მიმართულებაა, რომელიც „აიგრუპის“ და მისი შვილობილი კომპანიების მამოძრავებელი ძალაა. „აიგრუპის“ ქვეშ გაერთიანებული კომპანიები: „აიქარი“, „აიფაუერი“, „აიენერჯი“ და „აიფროდაქშენი“ სთავაზობს ამ ქვეყნის მოქალაქეებს ელექტრომობილების გაქირავების სერვისს, ელექტროდამტენების ინფრასტრუქტურის შექმნას, მზის პანელების საშუალებით ელექტროენერგიის მოპოვებას და რეალიზაციას და ქ. ქუთაისში ელექტრომობილების წარმობას.

(R)

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე