ევროპის ახალგაზრდული ოლიმპიური ფესტივალი 7 ივლისს “თბილისი 2015”-ის ცეცხლი მესტიას ეწვია.

ათენის ოლიმპიური თამაშების ვერცხლის პრიზიორმა ძიუდოში, ნესტორ ხერგიანმა ოლიმპიურ ცეცხლი ქალაქში შეიტანა.

ესტაფეტაში მონაწილეობა მიიღეს: მიშა გოშთელიანმა, აფი გიგანმა, ფატი იოსელიანმა და გვანცა ჯაფარიძემ.

როგორც „ექსპრესნიუსს“ ლტოლვილთა და განსახლების სამინისტროდან აცნობეს,  დევნილთა და განსახლების მინისტრმა სოზარ სუბარმა მესტიის ცენტრალურ მოედანზე ოლიმპიური ცეცხლი სპეციალურ თასში საზეიმოდ აანთო.

უწყების ინფორმაციით, მესტიის ცენტრალურ მოედანზე ქართველი მომღერლების მონაწილეობით საზეიმო კონცერტი გაიმართა.

 ოლიმპიური ცეცხლი მესტიაში რამდენიმე დღე დარჩება, შემდეგ კი ესტაფეტა ქობულეთში გაგრძელდება.

 მიმდინარე წლის 26 ივლისიდან 2 აგვისტოს ჩათვლით, თბილისში ევროპის მე-13 ახალგაზრდული ოლიმპიური ფესტივალი გაიმართება. ფესტივალის განმავლობაში დედაქალაქს 49 ქვეყნიდან 3800 მონაწილე ესტუმრება.

ოლიმპიური ცეცხლის მოგზაურობა, მთელი საქართველოს მასშტაბით გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

OPEC+-ის შვიდმა ქვეყანამ ნავთობის მარაგების გაზრდის შესახებ განაცხადა

მოსკოვის დასავლეთით, მაღალსართულიან შენობას დრონი შეეჯახა

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა