საჩხერის მუნიციპალიტეტის სოფლებში, პერევსა და ჭალაში, ცენტრალური და ადგილობრივი ხელისუფლების წარმომადგენლები მოსახლეობას შეხვდნენ.

გარემოს დაცვისა და სოფლის მეურნეობის მინისტრის მოადგილემ, იური ნოზაძემ, ადგილობრივ მოსახლეობას  სოფლის მეურნეობის განვითარების მხარდამჭერ იმ პროგრამებსა და პროექტებზე მიაწოდა ინფორმაცია, რომლებსაც სამინისტრო ახორციელებს.

„ჩვენ რეგულარულად ვხვდებით მოსახლეობას და უშუალოდ მათგან ვიღებთ ინფორმაციას რეგიონებში არსებული პრობლემებისა და საჭიროებების შესახებ. სწორედ ამ ინფორმაციაზე დაყრდნობით ხდება მხარდამჭერი აქტივობების დაგეგმვა და ბიუჯეტის ფორმირება", - განაცხადა იური ნოზაძემ.

გარემოს დაცვისა და სოფლის მეურნეობის მინისტრის მოადგილესთან ერთად, შეხვედრას  საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე თამარ გაბუნია და იმერეთის სახელმწიფო რწმუნებული ზვიად შალამბერიძე ესწრებოდნენ. ადგილობრივი ხელისუფლების წარმომადგენლებმა იმ პროექტებზე ისაუბრეს, რაც საჩხერის მუნიციპალიტეტში განხორციელდება; ყურადღება გამახვილდა სოფლის მხარდამჭერი პროგრამის ეფექტიანობაზე და წარმატებულ ინფრასტრუქტურულ პროექტებზე.

„ცენტრალური ხელისუფლებისა და სამხარეო ადმინისტრაციის წარმომადგენლები ერთად ვხვდებით საჩხერის მუნიციპალიტეტში მცხოვრებ მოსახლეობას, ადგილზე ვისმენთ იმ პრობლემების შესახებ, რაც ადგილობრივ მაცხოვრებლებს აწუხებთ. ვფიქრობთ, უშუალო კომუნიკაცია მეტად ეფექტიანია", - განაცხადა იმერეთის სახელმწიფო რწმუნებულმა, ზვიად შალამბერიძემ.

პერევსა და ჭალაში გამართულ შეხვედრებზე მოსახლეობამ მთავარ საჭიროებად დასაქმებისა და წყლის პრობლემების მოგვარება დაასახელა. გამართულ შეხვედრაზე იმერეთის მხარეში საკალმახე მეურნეობის განვითარების პერსპექტივაზეც იმსჯელეს.

(NS)

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე