მორჩილი ზაზა ტატუნაშვილი, რომელიც დავით გარეჯის სამონასტრო კომპლექსში მსახურობს, აცხადებს, რომ ტერიტორია დაკეტილია არა მარტო მომლოცველებისა და ტურისტებისთვის, არამედ სასულიერო პირებისთვისაც.

ამასთან, ის ადასტურებს, რომ ტერიტორიაზე აზერბაიჯანელი მესაზღვრეების რაოდენობა გაიზარდა

„ქედზე ასვლაც უკვე შეუძლებელია. შეუძლებელია არა მხოლოდ მომლოცველებისა და ტურისტებისთვის, არამედ მონასტრის წევრებისთვისაც. მოთხოვნა ერთადერთია, რომ გამოყენებულ იქნას ის ხელმოწერილი დოკუმენტები და რუკა, რომლის მიხედვითაც საზღვარი უნდა განისაზღვროს. ეს არის 1996 წლის მოლაპარაკების შედეგად დამტკიცებული რუკა, ალიევსა და შევარდნაძეს შორის, სადაც, სამწუხაროდ, მონასტერი აზერბაიჯანის მხარეს მოხვდა, მაგრამ უდაბნოს მონასტერს არავითარი საფრთხე არ ემუქრებოდა. 2005 წლიდან გვეუბნებიან, რომ მოლაპარაკება  მიმდინარეობს, მაგრამ უფრო და უფრო რთულდება სიტუაცია. თავიდან ჩიჩხიტურის მონასტერზე იყო აკრძალული, შემდეგ დაიწყეს უდაბნოს მონასტრის დაკეტვები პერმამენტულად, ახლა მთელი ტერიტორია დაკეტილია. მოლაპარაკებები შეიძლება მიმდინარეობს, მაგრამ ამას კარგი არაფერი შედეგი აქვს ჩვენთვის. მესაზღვრეებს აქვთ ბრძანება, რომ ქედამდეც არ აუშვან არავინ, მათ შორის ჩვენც ;სასულიერო პირები]“, - განუცხადა "რუსთავი 2"-ს მორჩილმა ზაზა ტატუნაშვილმა.

ცნობისთვის, დავით გარეჯთან დაკავშირებით დღეს განცხადება საქართველოს საგარეო საქმეთა სამინისტროშიც გაკეთდა. როგორც მინისტრის მოადგილე ლაშა დარსალიამ აღნიშნა, ამ საკითხზე ექსპერტების პირველი შეხვედრა 19-23 აგვისტოს გაიმართება.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე