საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე, გერმანიის ფედერაციული რესპუბლიკის საგანგებო და სრულუფლებიან ელჩს ჰუბერტ ქნირშს შეხვდა.

შეხვედრაზე განიხილეს ჯანდაცვის სამინისტროსა და გერმანიის ფედერაციული რესპუბლიკის ერთობლივი პროექტები და ის საქმიანობა, რასაც უკვე წლების განმავლობაში ახორციელებს სამინისტრო გერმანიის მხარდაჭერით.  ჯანდაცვის მინისტრმა  ყურადღება დაუთმო დევნილთა საკითხებს, განსაკუთრებით კი, გერმანიის განვითარების ბანკის მიერ დაფინანსებულ პროექტს, რომელიც დევნილებისთვის განკუთვნილ მსხვილმასშტაბიან ინფრასტრუქტურულ სამუშაოებს ითვალისწინებს. გარდა ინფრასტრუქტურული პროექტებისა, როგორც ეკატერინე ტიკარაძემ, ასევე ჰუბერტ ქნირშმა აღნიშნეს,  აუცილებელია გატარდეს რეფორმა, რომელიც დევნილთა სოციალურ კეთილდეღეობას, მათ დასაქმებას და თვითრეალიზებას შეუწყობს ხელს.

  გარდა დევნილთა საკითხებისა, მინისტრმა ყუადღება გაამახვილა საქართველოს ჯანდაცვის სისტემასა და ამ სექტორის კიდევ უფრო განვითარების შესაძლებლობებზე. როგორც გერმანიის ელჩმა აღნიშნა, ეკატერინე ტიკარაძის სამუშაო გამოცდილება გერმანიაში, მნიშვნელოვან როლს შეასრულებს ჯანდაცვის სისტემის რეფორმირების საკითხში და ასევე გერმანიასთან მჭიდრო თანამშრომლობის გაგრძელების საქმეში. 

„ჯანდაცვის პოლიტიკის მიმართულებით, ჩვენ საერთო შეხედულებები გვაქვს. მინისტრი კარგად იცნობს ჯანდაცვის გერმანულ მოდელს და აქვს კონკრეტული მოსაზრება, თუ რა შეიძლება იყო ინტეგრირებული საქართველოს ჯანდაცვის სისტემაში“-განაცხადა გერმანიის ელჩმა.

(NS)

ავტორი: ექსპრესნიუსი,

სოციალური ქსელები

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე

ოცნების ხელისუფლება ევროკავშირის გაფართოების ფორუმზე მიწვეული არ არის - ევროკავშირი

ხოშტარია პარტიების აკრძალვაზე: გამოვფხიზლდებით ქვეყნის შიგნითაც და გარეთაც

მოლდოვას პარლამენტის თავმჯდომარემ საქართველოს ხელმძღვანელობა შურში დაადანაშაულა