2019-07-20 13:27:17, 2459 ნახვა
საზოგადოება
ქიბარ ხალვაში დავით დვალსა და ჯარჯი აქიმიძესთან შეხვედრას აპირებს
"რუსთავი 2"-ის ახალი გენერალური დირექტორი პაატა სალია აცხადებს, რომ ტელეკომპანიის ახალი მფლობელი ქიბარ ხალვაში არხის დამფუძნებლებს დავით დვალსა და ჯარჯი აქიმიძეს შეხვდება.
როგორც სალიამ აღნიშნა, შეხვედრა შესაძლოა დღეს ან ხვალ შედგეს.
"გვმართებს მოთმინება. მთავარი ახლა ისაა რომ არ დაზიანდეს ტელეკომპანიის ინტერესები და არხმა განაგრძოს მუშაობა ისე, როგორც მუშაობდა. დანარჩენი დროის საკითხია, ისინი აუცილებლად შეხვდებიან ერთმანეთს. შესაძლოა დღესაც, ხვალაც, მაშინ. როდესაც იქნება ამის შესაძლებლობა. გადაწყდება ეს საკითხებიც და ჩაგაყენებთ საქმის კურსში“, - განაცხადა პაატა სალიამ.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
