საქართველოს რეგიონული განვითარებისა და ინფრასტრუქტურის სამინისტროს სსიპ საქართველოს მუნიციპალური განვითარების ფონდი თბილისში მეტროსადგურ „უნივერსიტეტის“ მშენებლობას იწყებს.

გამოცხადებულ ტენდერში ესპანურ-იტალიურმა სამშენებლო კომპანიამ „ASSIGNIA KOBRA “-მ გაიმარჯვა, რომელიც ამჟამად მშენებლობის დაწყებისთვის საჭირო მობილიზაციას ახორციელებს, რისთვისაც მას ერთთვიანი ვადა აქვს. ვადის გასვლის შემდეგ სამშენებლო სამუშაოები ოფიციალურად გაიხსნება და დაწყებიდან 24 თვის შემდეგ დასრულდება.

აღნიშნული პროექტის განხორციელების შედეგად დელისსა და ვაჟა-ფშაველას მეტროსადგურებს შორის მეორე გვირაბიც ამუშავდება, ხოლო დედაქალაქში არსებულ 22 მეტროსადგურს 23-ე მეტროსადგური დაემატება.

პროექტს  მუნიციპალური განვითარების ფონდი აზიის განვითარების ბანკის დაფინანსებით ახორციელებს და მისი ღირებულება 83,000,670.45 ლარია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა

იემენელი ჰუსიტები მუსლიმებისთვის წმინდა ქალაქს მექას დაესხნენ თავს

SOLO-ს განსაკუთრებული შეთავაზება ისთ ფოინთის დაბადების დღეს SOLO VISA ბარათის მფლობელებს

ახალი შეთავაზება TBC-ის პლატფორმაზე - დაიბრუნე ვაჭრობის საკომისიო და დასაჩუქრდი $500-მდე