|
2019-05-21 14:37:51, 1405 ნახვა
ეკონომიკა
მაია ცქიტიშვილი ანაკლიის პორტზე: სახელმწიფო ინვესტორის კომერციულ რისკებს ვერ დააზღვევს
„ინვესტორის კომერციული რისკების დაზღვევა ჯერ კიდევ მოლაპარაკების საგნად რჩება“, - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა ანაკლიის პორტთან დაკავშირებით გამართული შეხვედრის შემდეგ განაცხადა. როგორც მინისტრმა აღნიშნა, ყველა სხვა საკითხზე მხარეებს შორის შეთანხმება მიღწეულია. „ჩვენ არა ერთხელ გვითქვამს, რომ ყველაზე რთული სახელმწიფოს მხრიდან სწორედ ეს იქნება, რადგანაც სახელმწიფოს ინვესტორის კომერციული რისკების დაზღვევა არ შეუძლია. ეს არის ის პოზიცია, სადაც ჩვენ ბანკებთან და კონსორციუმთან იმასთან დაკავშირებით ვსაუბრობთ, თუ რა დამატებითი ინსტრუმენტების გამოყენებაა შესაძლებელი ამ კომერციული რისკების დასაზღვევად ისე, რომ სახელმწიფოს ამ რისკების დაზღვევა არ მოუწიოს , რა საერთაშორისო ორგანიზაციები, საერთაშორისო ინსტრუმენტები ან, უშუალოდ, ბანკების ინსტრუმენტები არსებობს ამისთვის, რომ ინვესტორს ამ რისკების დაზღვევაში დაეხმაროს და შესაბამისად, ყველანი ამ მიმართულებით ძალიან პოზიტიურად ვართ განწყობილები. დანარჩენ საკითხებს რაც შეეხება, პრაქტიკულად ყველა საკითხზე პრინციპული თანხმობა გვაქვს მიღწეული. სახელმწიფომ უმეტესწილად ყველა ის მოთხოვნა გაიზიარა, რომელიც ბანკების მხრიდან იყო. დღეს, ჩვენი შეხვედრის შემდეგ, შეხვედრა სამუშაო რეჟიმში გაგრძელდება რამდენიმე სამინისტროს, ბანკების და როგორც ინვესტორის, ასევე ჩვენი იურისტების მონაწილეობით, რომლებიც ეცდებიან დღის განმავლობაში ამ ცვლილებების უფრო დეტალური ფორმულირება მოახდინონ“, - განაცხადა მაია ცქიტიშვილმა. მისივე თქმით, პროექტის დაწყების ვადა გადაიწევს. „პროექტის ვადებს რაც შეეხება, 15 ივნისია ვადა, რომელიც ჩვენ გვქონდა დათქმული მხარეებს შორის. რა თქმა უნდა, იმის გათვალისწინებით, რომ სახელმწიფოსაც, ბანკებსაც და ინვესტორსაც დამატებითი დრო გვჭირდება, ჩვენთვის 15 ივნისის ვადა პრინციპული არ არის. ჩვენთვის პრინციპულია, რომ ამ ხელშეკრულებას დადებითი დინამიკა ჰქონდეს, ამიტომ ჩვენ გარკვეული პერიოდით კიდევ გადავწევთ ამ ვადას, რომ ეს მოლაპარაკება გაგრძელდეს“, - განაცხადა მაია ცქიტიშვილმა.
TBC კონცეპტის, Visa-ს, M.T.A.-ს შეთავაზება სათხილამურო სპორტის მოყვარულთათვის
საქართველოს ბანკი -განათლების მთავარი მხარდამჭერი უწყვეტი შესაძლებლობებისთვის
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



