რუსთავის მეტალურგიული ქარხნის მუშები გაფიცვას განაგრძობენ.

ადმინისტრაცია მათ სამუშაო საათების შემცირებას იგივე ხელფასის პირობებში  შეჰპირდა,  თუმცა გაფიცულების აცხადებენ, რომ ეს საკმარისი არაა და დამატებით, ხელფასის 50%-ით მომატებას ითხოვენ.

„შემოთავაზება შედგა, რომ იყოს 4 ცვლა, რა ხელფასსაც ვიღებთ სამ ცვლაში, იგივე დარჩება, ასეთი შემოთავაზებაა. ჩვენ ვიმსჯელებთ, რა თქმა უნდა, არ ვართ თანახმა. ჩვენ გვინდა 50%-ით მომატება და 4-ცვლიანის გაკეთება. ახლა ჩვენ დავილაპარაკებთ, ფოლადსადნობს გასცემენ პასუხს ორშაბათს, ჩვენ არ ვიშლებით. სანამ ყველა ცეხის, ფოლადსადნობი იქნება ეს თუ სხვადასხვა ცეხები, სანამ სრულად არ დააკმაყოფილებენ მოთხოვნებს, ჩვენ არ დავიშლებით“, - განაცხადა აქციის მონაწილემ, გიორგი ტყემალაძემ.

მეტალურგიული ქარხნის დირექტორის მოადგილე არჩილ მელიქიძე აცხადებს, რომ ცვლების შემცირების შედეგად საათობრივი ანაზღაურება და შესაბამისად, ხელფასიც გაიზარდა.

„წინადადება ძირითადად ეხება, სამუშაო საათების შემცირებას ისე, რომ ხელფასის შემცირება არ მომხდარიყო, რაზეც ჩვენ დავეთანხმეთ. საათობრივ ანაზღაურებაში რომ გადათვალო ხელფასის ზრდა მოხდა. ის, რაც მათი მოთხოვნა იყო, ეს მოთხოვნა შესრულდა“, - განაცხადა არჩილ მელიქიძემ.

ავტორი: ექსპრესნიუსი,

სოციალური ქსელები

აღმოაჩინე საქართველოს ბანკის განათლების შესაძლებლობები - პროგრამებზე მიღება დაიწყო

ბულგარეთის სანაპიროსთან დრონებმა კიდევ ორ სავაჭრო გემს შეუტიეს: ერთ-ერთი მათგანი ჩაიძირა

168 სადგური - სელფის ქსელის მასშტაბური განახლება გრძელდება

9 თვეში საქართველოს სავაჭრო ბრუნვა $20.5 მილიარდამდე გაიზარდა