2019 წლის მასწავლებელთა კომპეტენციის დადასტურებისათვის რეგისტრაცია გამარტივდა.

შეფასებისა და გამოცდების ეროვნული ცენტრის ინფორმაციით, გამარტივებული ფორმატით რეგისტრაცია მხოლოდ ელექტრონულად მიმდინარეობს ვებგვერდებზე: www.naec.ge და online.naec.ge.

რეგისტრაცია 13 მაისიდან  დაიწყო და 24 მაისს 18:00 საათზე დასრულდება. 

მასწავლებლობის მსურველებს აღარ მოუწევთ პარალელური რეგისტრაციის გავლა, რომელიც საგანმანათლებლო რესურსცენტრებში პირადობისა და განათლების დამადასტურებელი დოკუმენტების წარდგენას გულისხმობდა.

ტესტირებაში მონაწილეობის მიღების უფლება აქვთ:

მასწავლებლის საქმიანობის დაწყების, პროფესიული განვითარებისა და კარიერული წინსვლის სქემაში განაწილებულ პრაქტიკოს მასწავლებელს;

პირებს, რომლებიც ფლობენ ბაკალავრის, მაგისტრის და/ან მათთან გათანაბრებულ აკადემიურ ხარისხს და მიღებული აქვთ ეროვნული სასწავლო გეგმის შესაბამისი საგნის/საგნობრივი ჯგუფის აკადემიური ხარისხი,  ასევე სამხედრო/სასპორტო პროფესიული განათლების მქონე პირებს;

მასწავლებლობის მსურველს, რომელსაც დიპლომის საფუძველზე აქვს მასწავლებლობის უფლება.

თუ პირი არ ფლობს რომელიმე ზემოაღნიშნულ კვალიფიკაციას, იგი  საგნის გამოცდაზე მიღებულ შედეგს ვერ გამოიყენებს  მასწავლებლის  საქმიანობის  მიზნებისათვის. 

შეფასებისა და გამოცდების ეროვნული ცენტრი წინასაგამოცდო პერიოდის განმავლობაში  მასწავლებლებსა და მასწავლებლობის მსურველებს კონსულტაციების გავლას სთავაზობს.  ყოველ ოთხშაბათს, 16:00 საათიდან 18:00 საათამდე აპლიკანტებს შესაძლებლობა ექნებათ შეხვდნენ ცენტრის წარმომადგენლებს.  კონსლუტაციები შეეხება  რეგისტრაციის პროცესსა და  საგამოცდო პროცედურებს.

ავტორი: ექსპრესნიუსი,

სოციალური ქსელები

168 სადგური - სელფის ქსელის მასშტაბური განახლება გრძელდება

9 თვეში საქართველოს სავაჭრო ბრუნვა $20.5 მილიარდამდე გაიზარდა

იაპონური UD Trucks საქართველოშია - ბრენდს კავკასიაში ექსკლუზიურად „თეგეტა ჰოლდინგი“ წარმოადგენს

მაკრონი: საფრანგეთმა უკანონო საწვავის გადაზიდვაში ჩართული ტანკერი დააკავა