მაჩალიკაშვილი - ბრძოლას გავაგრძელებ, სანამ სახელმწიფო არ იტყვის, რომ ჩემი ოჯახის წინაშე დააშავეს

2019-05-11 12:19:49, 1360 ნახვა

საზოგადოება

„ჩემი ბრძოლა გააგრძელდება იმ დღემდე, სანამ სახელმწიფო არ იტყვის, დიახ, ჩვენ დავაშავეთ მაჩალიკაშვილის ოჯახის წინაშე“, - ამის შესახებ პანკისის სპეცოპერაციის დროს მოკლული თემირლან მაჩალიკაშვილის მამამ, მალხაზ მაჩალიკაშვილმა განაცხადა.

როგორც მან აღნიშნა, გუშინ, სუს-ში დაკითხვის დროს, გამომძიებლების ყველა კითხვას უპასუხა.

„ყველა იმ კითხვას გავეცი პასუხი, რაც კი მითქვამს და რაც მქონია გააზრებული, რაც კი გამიფიქრია, მერე რაც გადამიფიქრია და რასაც ვფიქრობ, ყველაფერი. მე დასამალი არ მაქვს, არც დავმალავ, არც ის მანაღვლებს დამიბარებენ თუ არა, არც ის მანაღვლებს დამაკავებენ თუ არა, მე მანაღვლებს ერთი რამ - სახელმწიფო აღიარებს შეცდომას, რომ ამათ მოკლეს თემირლანი უდანაშაულოდ. რაც შეეხება ჩემს ბრძოლას, ჩემი ბრძოლა გაგრძელდება იმ დღემდე, სანამ სახელმწიფო არ იტყვის, დიახ, ჩვენ დავაშავეთ მაჩალიკაშვილის ოჯახის წინაშე“, - აღნიშნა მაჩალიკაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან