|
2019-05-09 19:08:09, 1952 ნახვა
ეკონომიკა
თურნავა: ეკონომიკური ზრდის დაჩქარების გამოწვევას სწრაფი და ეფექტიანი გადაწყვეტილებებით ვუპასუხებთ
„დღეს ჩვენი ინიციატივით შევხვდით მეცნიერ-ეკონომისტებს, ეკონომიკურ ექსპერტებს, ისინი არიან ქართული ეკონომიკური აზრის წარმომადგენლები, მათ აქვთ ძალიან დიდი პოტენციალი და რესურსი, რომელსაც ჩვენ, ეკონომიკის სამინისტრო გამოვიყენებთ", - განაცხადა ეკონომიკისა და მდგრადი განვითარების მინისტრმა ნათია თურნავამ ეკონომიკის დარგის სპეციალისტებთან გამართული შეხვედრის დასრულების შემდეგ. მინისტრმა შეხვედრის მონაწილეებს საკუთარი ხედვები, გეგმები და პრიორიტეტული მიმართულებები გააცნო. ნათია თურნავას განცხადებით, ამ ტიპის შეხვედრები რეგულარული გახდება და სამინისტრო მაქსიმალურად გამოიყენებს ქართველი ეკონომისტების, ექსპერტების და მეცნიერების მოსაზრებებს ეკონომიკური პოლიტიკის განხორციელებისა და ახალი გადაწყვეტილებების დაგეგმვისას. შეხვედრაზე, რომელსაც ასევე ეკონომიკისა და მდგრადი განვითარების მინისტრის მოადგილეები - ეკატერინე მიქაბაძე და გენადი არველაძე ესწრებოდნენ, საუბრის ერთ-ერთი მთავარი თემა ეკონომიკური ზრდის დაჩქარება იყო. მინისტრის თქმით, ეკონომიკური ზრდის ყველა არსებული რესურსის გააქტიურება სიღარიბის დაძლევისა და ინკლუზიური ზრდის მისაღწევად, მისი სტრატეგიული ამოცანაა. „ეკონომიკური ზრდის დაჩქარების გამოწვევას ჩვენ, პირველ რიგში, ვუპასუხებთ სწრაფი, ეფექტური გადაწყვეტილებებით და ჩვენი სამინისტრო, ამ თვალსაზრისით, სანიმუშო გახდება. არცერთი გაჩერებული პროექტი ჩვენთან არ იქნება", - განაცხადა ნათია თურნავამ. მისი თქმით, ეკონომიკური ზრდის დასაჩქარებლად არსებობს დიდი რეზერვი, რომელსაც სამინისტრო გამოიყენებს - ეს არის მუშაობის მაღალი ტემპები, მეტი გამჭვირვალობა და სერვისების სრული გაციფრულება - დაწყებული ქონების მართვა/პრივატიზაციიდან, დამთავრებული წიაღის ლიცენზიების გაცემით. ნათია თურნავამ ასევე ისაუბრა ეკონომიკური ზრდის ინკლუზიურობის უზრუნველყოფის პროცესზე და აღნიშნა, რომ ამისთვის რამდენიმე მნიშვნელოვანი აქცენტი უნდა გაკეთდეს, მათ შორის ქართველი მეწარმეების ხელშეწყობასა და მთელი საქართველოს სასიცოცხლოდ აუცილებელი ინფრასტრუქტურით დაფარვაზე. „ვფიქრობთ, აქცენტი გავაკეთოთ ქართველი მეწარმეობის, ბიზნესისინტერესების უფრო მეტ და უფრო განახლებული ფორმით დაცვაზე - დავიცავთ მას როგორც შიდა, ასევე გარე ბაზრებზე, რადგან გარე ბაზრებზე ჩვენი ბიზნესი უკვე ძალიან მოძლიერდა და იქაც სჭირდება გვერდში დგომა. მეორე მიმართულებაა სასიცოცხლოდ აუცილებელი ინფრასტრუქტურა, რომელიც მოიცავს მაქსიმალურად, მთელ საქართველოს - ეს არის გაზი, ფიქსირებული ინტერნეტი და ხარისხიანი ელექტროენერგია ყველა ოჯახში. ჩვენ მაღალი ზრდა გვაძლევს იმის ფუფუნებას, რომ უკვე ვიფიქროთ - მთელი საქართველო იყოს მოცული ამ სასიცოცხლოდ აუცილებელი ინფრასტრუქტურით. ეს საშუალებას მისცემს მცირე ბიზნესს, რომ განვითარდეს და მეტი სამუშაო ადგილი შეიქმნას", -აღნიშნა ეკონომიკის მინისტრმა.
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
გვარამია - თუ ვინმე ნაბიჯს დგამს კონსტიტუციური წყობილების დასამხობად და არის გასაუქმებელი, ეს არის ოცნება
კვლევა: თბილისში ყველაზე იაფ უბანშიც კი ბინის იპოთეკა ოჯახების 5%-ისთვის არის ხელმისაწვდომი
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ელენე გვიმრაძე, ექსპრესნიუსის რეპორტიორი 2018 წლიდან



