|
2019-05-09 18:18:39, 1775 ნახვა
ეკონომიკა
ნათია თურნავა მეცნიერ-ეკონომისტებსა და ეკონომიკის დარგის ექსპერტებს ხვდება
ეკონომიკისა და მდგრადი განვითარების მინისტრი ეკონომიკის დარგის ექსპერტებსა და სპეციალისტებს საკუთარ ხედვებს, გეგმებსა და პრიორიტეტულ მიმართულებებს აცნობს. როგორც ნათია თურნავამ შეხვედრის დაწყებამდე განაცხადა, ეკონომიკისა და მდგრადი განვითარების სამინისტრო შექმნის სიცოცხლისუნარიან და შედეგზე ორიენტირებულ პლატფორმას მეცნიერ-ეკონომისტებთან და სხვადასხვა კვლევითი ცენტრების წარმომადგენლებთან თანამშრომლობისთვის. „შეხვედრის მიზანია მაქსიმალურად გამოვიყენოთ თითოეული აქ დამსწრე ადამიანის ინტელექტუალური რესურსი და გამოცდილება ეკონომიკური პოლიტიკის ეფექტიანობის ასამაღლებლად, ასევე ეკონომიკაში მიმდინარე პროცესებისა და პერსპექტივების ანალიზისა და გადაწყვეტილებების მიღების პროცესში. მიმაჩნია, რომ ქართველი ეკონომისტების აქტიური ჩართულობა ეკონომიკური პოლიტიკის შემუშავებაში ამ პოლიტიკის სრულყოფის გარანტიაა", - აღნიშნა ნათია თურნავამ. მინისტრის თქმით, ეკონომიკური ზრდის ყველა არსებული რესურსის გააქტიურება სიღარიბის დაძლევისა და ინკლუზიური ზრდის მისაღწევად, მისი სტრატეგიული ამოცანაა. შეხვედრაზე მინისტრმა და მისმა მოადგილეებმა დეტალურად ისაუბრეს სამინისტროს მიერ გატარებულ ეკონომიკურ პოლიტიკაზე, ქვეყნის ეკონომიკურ მაჩვენებლებსა და ტენდენციებსა და მიმდინარე და დაგეგმილ რეფორმებზე, რომლის მიზანსაც ბიზნეს გარემოს გაუმჯობესება, ინვესტიციების მოზიდვა და ახალი სამუშაო ადგილების შექმნა წარმოადგენს. ასევე ყურადღება გამახვილდა გამოწვევებზე, რომლებიც მომდინარეობს საშინაო და საგარეო ფაქტორებიდან. სამინისტროს მხრიდან გაკეთებული პრეზენტაციების შემდეგ, შეხვედრა დისკუსიის რეჟიმში მიმდინარეობს. შეხვედრა მეცნიერ-ეკონომისტებთან და ეკონომიკის ექსპერტებთან უშუალოდ ეკონომიკისა და მდგრადი განვითარების მინისტრის ნათია თურნავას ინიციატივით იმართება და მას ასევე ესწრებიან მინისტრის მოადგილეები - ეკატერინე მიქაბაძე და გენადი არველაძე.
(NS)
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
გვარამია - თუ ვინმე ნაბიჯს დგამს კონსტიტუციური წყობილების დასამხობად და არის გასაუქმებელი, ეს არის ოცნება
კვლევა: თბილისში ყველაზე იაფ უბანშიც კი ბინის იპოთეკა ოჯახების 5%-ისთვის არის ხელმისაწვდომი
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



