ვაკის პარკის მიმდებარე ტერიტორიაზე, "უკვდავი პოლკის" მსვლელობის საწინააღმდეგო 2 კონტრ-აქცია მიმდინარეობს. 

ერთ-ერთი აქციის ორგანიზატორი ალეკო ელისაშვილის „სამოქალაქო მოძრაობაა". აქცია ლოზუნგით "არ ვიზიარებთ გენოციდს!" მიმდინარეობს. 

როგორც აქციის მონაწილეები "ექსპრესნიუსთან" საუბრისას აცხადებენ, ისინი რუსულ ოკუპაციას ეწინააღმდეგებიან და მოითხოვენ "უკვდავი პოლკის" წევრებმა ვაკის პარკის ტერიტორია დატოვონ.

ამასთან, დემონსტრანტები უცნობი ჯარისკაცის საფლავთან მისვლას აპირებენ.

"ჩვენი შვილების ნორმალური მომავლისთვის ვიბრძვით, რათა ჩვენმა შვილებმა იცხოვრონ ნორმალურ საქართველოში. ვეწინააღმდეგებით რუსულ ოკუპაციას და მიგვაჩნია, რომ ჩვენს ქვეყანაში პრორუსული ძალები არ უნდა დაწინაურდნენ", - აღნიშნა დავით აბდუშელიშვილმა.

კიდევ ერთ კონტრ-აქციას "რუსეთი ოკუპანტია" მართავს. აქციის ლოზუნგია "ოკუპანტი ვერ ამარცხებს ფაშიზმს". ჩვენთან საუბარში აქციის მონაწილეები ამბობენ, რომ მათთვის მიუღებელი პროსუსული ძალების მსვლელობა იმ ქვეყანაში, სადაც რუსეთი ოკუპანტია.

"რუსეთი ოკუპანტია და აქ ჩვენს ქვეყანაში პრორუსული ძალები არ უნდა აწყობდნენ მსვლელობებს. ისინი პუტინის მხარდამჭერებს ითვლებიან და ვერ უნდა ბედავდნენ აქ დგომას. მე აქ ხელში მიჭირავს თანამედროვეობის უდიდესი გმირის, გიორგი ანწუხელიძის ფოტო. ეს არის დასტური იმისა, თუ როგორი სახე აქვს რუსეთს", - აღნიშნა სოფიო კუჭავამ.

შეგახსენებთ,  რომ მსვლელობის პარალელურად "უკვდავი პოლკის" წევრები ვაკის პარკის შესასვლელთან არიან შეკრებილები. მათგან ერთ-ერთი მონაწილე, საბჭოთა კავშირის სიმბოლიანი დროშის გამოყენებისთვის დააკავეს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა

მარნეულში ავარიას მოტოციკლის მძღოლი ემსხვერპლა

ხოშტარია: დაწყებულია ტკივილის მართვა, რამაც დიდი შვება მომცა, ბევრად უკეთ ვგრძნობ თავს