საქართველოს საპატრიარქოს ახალგაზრდული ცენტრის ხელმძღვანელი კოტე სვანაძე 17 მაისს სამების ეზოში დაგეგმილ კონცერტში მონაწილეობაზე მომღერლების უარს ტექნიკურ ხარვეზს უკავშირებს.

მისი თქმით, მოლაპარაკებები მომღერლებთან ჯერ არ დასრულებულა  და ვინ მიიღებს კონცერტში მონაწილეობას, უცნობია. 

„ყველაფერი დაიგეგმა, რა თქმა უნდა, გარკვეული დროში და იმ რაღაც უზუსტობამ, რომელიც არაოფიციალური სახით გავრცელდა, ტექნიკური პერსონალის შეცდომის გამო, საზოგადოებაში გარკვეული აჟიოტაჟი გამოიწვია. ის, რა ინფორმაციაც გავრცელდა, მონაწილეთა გარკვეული ჯგუფების შესახებ და მონაწილეების შესახებ, ჩვენ მათთან არ გვქონდა დასრულებული მოლაპარაკება.  აღმოჩნდა, რომ იმ პერიოდში, ისინი  თბილისში ფიზიკურად არ იქნებიან“ - განაცხადა კოტე სვანაძემ.

შეგახსენებთ, რომ 17 მაისს, რომელიც ეკლესიამ „ოჯახის სიწმინდის დღედ“ გამოაცხადა, სამების ეზოში კონცერტია დაგეგმილი. ცოტა ხნის წინ გავრცელდა იმ მომღერლების სია, რომლებიც კონცერტში მონაწილეობას მიიღებდნენ.  მოგვიანებით გაირკვა, რომ მათი ნაწილი კონცერტში მონაწილეობას არ აპირებდა.

ავტორი: ექსპრესნიუსი,

სოციალური ქსელები

უკრაინის საჰაერო ძალებს არ მიუღიათ წინასწარი ინფორმაცია კიევის დაბომბვისას

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება