ფრაქცია „ქართული ოცნების“ თავმჯდომარე, მამუკა მდინარაძესთვის დეპუტატ ლევან კობერიძის გადაწყვეტილება უმრავლესობიდან წასვლის შესახებ მოულოდნელი არ აღმოჩნდა.

 მდინარაძემ აღნიშნა, რომ კობერიძე ისედაც ფორმალურად ირიცხებოდა უმრავლესობაში. მისი თქმით, პიარის გამო, დიდი ხნის წინ მიღებული გადაწყვეტილება დღეს განხილულ კანონპროექტს სპეციალურად დაუმთხვია.

"ლევანს არ გაუკვირდება თუ ვიტყვი, რომ ბოლო პერიოდის განმავლობაში  უმრავლესობის და ფრაქცია "ქართული ოცნების" რიგებში მხოლოდ ფორმალურად ირიცხებოდა. ის ამ საკითხებთან დაკავშირებით სხვა პოზიციას გამოხატავდა. ძალიან სამწუხაროა, განსაკუთრებით ლევანისგან, რომ მანაც გადაწყვიტა თავისი უმრავლესობიდან წასვლის საკითხი სასამართლოს თემაზე მიება ", - განაცხადა მამუკა მდინარაძემ.

დეპუტატის აზრით, ბესელია, კვაჭანტირაძე და კობერიძე ერთ პოლიტიკურ თამაშს თამაშობენ და უმრავლესობის ერთად დატოვების ნაცვლად  ნაწილ-ნაწილ მიდიან იმისთვის, რომ უმრავლესობა დააზიანონ.

"ეს პოლიტიკური თამაშის ნაწილია, რომელშიც თავის დროზე ეკა ბესელია იყო ჩართული და შემდეგ, ოდნავ მოგვიანებით, ზვიად კვაჭანტირაძე. როცა ეს  ჯგუფი ერთ აზრზეა და რამდენიმე ადამიანისგან შედგება, მათ შეუძლიათ, უმრავლესობა ერთად დატოვონ, თუმცა მხოლოდდამხოლოდ პიარზეა გათვლილი ის, რომ ნაწილ-ნაწილ ტოვებენ იმისთვის, რომ  უმრავლესობა დაზიანონ",- განაცხადა მამუკა მდინარაძემ

ავტორი: ექსპრესნიუსი,

სოციალური ქსელები

ევროკავშირი სანქციების შესახებ კენჭისყრაში წევრი სახელმწიფოების ვეტოს უფლების შეზღუდვას განიხილავს

კიევში რუსული საჰაერო დარტყმების შედეგად ორი ადამიანი დაიღუპა

ტრამპი საფრანგეთში სკოლებში გამართული საპროტესტო აქციების შესახებ: ისლამი ოდესღაც დიდებული ქვეყნის დაპყრობას ცდილობს

სოჭის სანაპიროსთან ნავთობის ტანკერი AFRAMAX RIO იწვის - ვიდეო