სპორტული დანიშნულების ავტომობილებისათვის აქციზის გადასახადის თანხა მათი წლოვანებითა და ძრავის მოცულობით აღარ განისაღვრება. 

შესაბამისი ცვლილება საგადასახადო კოდექსში შედის. კანონპროექტის მიხედვით, სპორტული ავტომობილებისთვის აქციზის გადასახადი ფიქსირებულად - 100 ლარით განისაზღვრება.

კანონპროექტის ავტორები პარლამენტის სპორტისა და ახალგაზრდულ საკითხთა კომიტეტის თავმჯდომარე მიხეილ ყაველაშვილი, ფრაქცია "ქართული ოცნების" თავმჯდომარე მამუკა მდინარაძე და საპარლამენტო უმრავლესობის წევრი კახა კუჭავა არიან. 

„ეს ინიციატივა ეხება იმ საკითხს, როდესაც ჩამოიყვანს ავტომრბოლელი, სპორტსმენი ავტომანქანას, განბაჟების თანხის გადახდა მას პრაქტიკულად აღარ უწევს. ეს იქნება მხოლოდ სიმბოლური თანხა ერთადერთი დათქმით, თუ ის გადააკეთებს მანქანას სპორტული დანიშნულების შესაბამისად. აქედან გამომდინარე ეს იქნება ძალიან დიდი შეღავათი სპორტსმენებისთვის. ამ სპორტის განვითარებას ძალიან შეუწყობს ხელს“, - განაცხადა მდინარაძემ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უკრაინის საჰაერო ძალებს არ მიუღიათ წინასწარი ინფორმაცია კიევის დაბომბვისას

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება