|
2019-04-23 14:18:50, 2183 ნახვა
ეკონომიკა
ნათია თურნავა და ყაზახეთის ინფრასტრუქტურის მინისტრი შუა სატრანზიტო კორიდორის კონცეფციის განვითარებაზე შეთანხმდნენ
„ჩვენ განვიხილეთ ბევრი სტრატეგიული საკითხი, მათ შორის, ჩვენი სატრანზიტო კორიდორის, ე.წ. „შუა კორიდორის" კონცეფციის შემდგომი განვითარება, ასევე გამჭოლი ტარიფები, რომლებიც უფრო მარტივს გახდის სატვირთო გადაზიდვებს აღნიშნულ კორიდორში და უფრო მეტად წარმოაჩენს ჩვენი ქვეყნების სატრანზიტო ფუნქციას“, - განაცხადა ეკონომიკისა და მდგრადი განვითარების მინისტრმა ნათია თურნავამ საქართველო - ყაზახეთის ეკონომიკური თანამშრომლობის მთავრობათაშორისი კომისიის მე-10 სხდომის ოქმზე ხელმოწერის შემდეგ. დოკუმენტს ასევე ხელი მოაწერა ყაზახეთის რესპუბლიკის ინდუსტრიისა და ინფრასტრუქტურული განვითარების მინისტრმა რომან სკლიარმა. ხელმოწერა საქართველოს ეკონომიკისა და მდგრადი განვითარების მინისტრის ყაზახეთში ვიზიტის ფარგლებში გაიმართა. ნათია თურნავას განცხადებით, როგორც საქართველოს, ასევე ყაზახეთს უმნიშვნელოვანესი როლი აქვთ იმ ნაკადების მოზიდვაში, რომლებიც ჩინეთიდან შავი და კასპიის ზღვების გავლით ევროპას უნდა მიეწოდოს. „ჩვენ ასევე განვიხილეთ საბორნე მიმოსვლის ინტენსიფიკაცია შავ და კასპიის ზღვებზე, რადგან აღნიშნულიც შუა კორიდორის შემადგენელი ნაწილია.", - განაცხადა ეკონომიკისა და მდგრადი განვითარების მინისტრმა. რაც შეეხება ეკონომიკური თანამშრომლობის მთავრობათაშორისი კომისიის სხდომის ოქმის სხვა მნიშვნელოვან საკითხებს, მხარეებმა განსაკუთრებული ყურადღება გაამახვილეს ისეთ სექტორებში თანამშრომლობის გაღრმავებაზე, როგორიცაა სოფლის მეურნეობა, ორმხრივი ვაჭრობა, ტურიზმი და ა.შ.
(NS)
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
გვარამია - თუ ვინმე ნაბიჯს დგამს კონსტიტუციური წყობილების დასამხობად და არის გასაუქმებელი, ეს არის ოცნება
კვლევა: თბილისში ყველაზე იაფ უბანშიც კი ბინის იპოთეკა ოჯახების 5%-ისთვის არის ხელმისაწვდომი
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ელენე გვიმრაძე, ექსპრესნიუსის რეპორტიორი 2018 წლიდან



