|
2019-04-06 10:36:24, 2036 ნახვა
ეკონომიკა
გენადი არველაძე მსხვილი ბულგარული ენერგოკომპანიის მფლობელს შეხვდა
ეკონომიკისა და მდგრადი განვითარების მინისტრის მოადგილე გენადი არველაძე, რომელიც საქართველოს დელეგაციის ვიზიტის ფარგლებში ბულგარეთში იმყოფებოდა, ბულგარეთის მსხვილი კომპანიის „ენერჯი მარკეტის" (Energy Market) მფლობელს ბორისლავ ლორინკოვსა და ტოპ-მენეჯმენტის წარმომადგენლებს შეხვდა. შეხვედრაზე განხილული იყო საქართველოს ენერგეტიკის სექტორში არსებული საინვესტიციო შესაძლებლობები და დარგში მიმდინარე და დაგეგმილი რეფორმები, განსაკუთრებული აქცენტი გაკეთდა ენერგეტიკული ბაზრის რეფორმაზე, რომელიც საქართველოში ხორციელდება. რეფორმა მიზნად ისახავს საქართველოში ელექტროენერგიისა და ბუნებრივი გაზით ვაჭრობის სფეროში თავისუფალი და კონკურენტული ურთიერთობების ხელშეწყობას და ბაზრების გახსნას, ასევე მიწოდების უსაფრთხოების მოთხოვნების სათანადო დაცვას. შეხვედრაზე აღინიშნა, რომ კომპანია „ენერჯი მარკეტი" ახორციელებს როგორც ბულგარეთში, ასევე ევროკავშირის სხვა ქვეყნებში ენერგეტიკულ პროექტებს. მათ დიდი ინტერესი გამოხატეს საქართველოს ენერგეტიკული ბაზრის ლიბერალიზების რეფორმის მიმართ და გამოთქვეს სურვილი, გახდნენ საქართველოს ენერგეტიკული ბაზრის მონაწილე. ეკონომიკისა და მდგრადი განვითარების მინისტრის მოადგილე გენადი არველაძემ ბულგარული კომპანიის წარმომადგენლებს მიაწოდა ინფორმაცია ენერგეტიკის სექტორში არსებული საინვესტიციო შესაძლებლობების შესახებ. კერძოდ, აქცენტი გაკეთდა ჰიდროელექტროსადგურებსა და განახლებადი ენერგიის მიმართულებაზე. მათ შორის, ყურადღება გამახვილდა მზის ელექტროსადგურისა და გარდაბანში თბოელექტროსადგურის მშენებლობის პროექტებზე. შეხვედრაზე აღინიშნა, რომ ბულგარეთის კომპანიის წარმომადგენლები უახლოეს პერიოდში საქართველოს ეწვევიან და ადგილობრივი ენერგეტიკული სექტორის საინვესტიციო პოტენციალს გაეცნობიან. „ენერჯი მარკეტი" ფლობს ელექტროგადამცემ ხაზებს, ჰიდროელექტროსადგურებს, განახლებადი ენერგიის, მათ შორის, მზისა და ქარის ელექტროსადგურებს როგორც ბულგარეთში, ასევე ევროკავშირის სხვადასხვა ქვეყნებში. გარდა ამისა, კომპანია ელექტროენერგიას აწვდის ცენტრალური და აღმოსავლეთ ევროპის ქვეყნების ენერგოსექტორებს, ასევე განკარგავს ბელგიის დედაქალაქ ბრიუსელში ერთ-ერთ მსხვილ ენერგოკომპანიას.
(NS)
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
გვარამია - თუ ვინმე ნაბიჯს დგამს კონსტიტუციური წყობილების დასამხობად და არის გასაუქმებელი, ეს არის ოცნება
კვლევა: თბილისში ყველაზე იაფ უბანშიც კი ბინის იპოთეკა ოჯახების 5%-ისთვის არის ხელმისაწვდომი
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



