|
2019-03-30 11:16:43, 2090 ნახვა
ეკონომიკა
ქობულია: ჩვენ ვქმნით ინვესტორებთან თანამშრომლობის უფრო ეფექტურ და გამარტივებულ სქემას
ეკონომიკისა და მდგრადი განვითარების მინისტრმა გიორგი ქობულიამ გერმანიის ეკონომიკური გაერთიანების ტრადიციულ გალა-ღონისძიებაში მიიღო მონაწილეობა და შეკრებილ აუდიტორიას სიტყვით მიმართა. მინისტრმა დადებითად შეაფასა ორი ქვეყნის ეკონომიკური თანამშრომლობა და იმედი გამოთქვა, რომ მომავალში ურთიერთობა კიდევ უფრო ნაყოფიერი და ორმხრივად მომგებიანი იქნება. გიორგი ქობულიამ ასევე მიმოიხილა საქართველოს ეკონომიკური ტენდენციები და ყურადღება გაამახვილა გადაწყვეტილებებზე, რომლებიც მიმართულია საქართველოში ბიზნესგარემოს გაუმჯობესებისკენ. „ჩვენ აქტიურად ვთანამშრომლობთ საერთაშორისო და ადგილობრივ ინვესტორებთან, რათა მათ წინაშე არსებული გამოწვევები მაქსიმალურად მოკლე ვადებში მოგვარდეს. კარგად ვიცით, რა აწუხებს დღეს ბიზნესს და ყველაფერს ვაკეთებთ მის მოსაგვარებლად. ჩვენ ვქმნით ინვესტორებთან თანამშრომლობის უფრო ეფექტურ, გამარტივებულ და ნაკლებად ბიუროკრატიულ სქემას - „ერთი ფანჯრის პრინციპს", რომლის დროსაც ეკონომიკისა და მდგრადი განვითარების სამინისტროს თანამშრომლები ინვესტორებს თავად მოუგვარებენ ყველა საკითხს სხვადასხვა საჯარო უწყებებში, რაც ძალიან მნიშვნელოვანია," - განაცხადა ეკონომიკისა და მდგრადი განვითარების მინისტრმა. გიორგი ქობულიამ თავის მოხსენებაში ასევე გაამახვილა ყურადღება ისეთ პრიორიტეტულ სამთავრობო პროგრამაზე, როგორიცაა პროფესიული გადამზადება. მისი თქმით, ყოველწლიურად აღნიშნული პროგრამის მეშვეობით ტექნიკურ პროფესიებში 50,000-მდე ადამიანის გადამზადებაა დაგეგმილი. ეკონომიკისა და მდგრადი განვითარების მინისტრმა ასევე აქცენტი გააკეთა საქართველოს ტრანსპორტისა და ლოგისტიკის სექტორის განვითარების აუცილებლობაზე. მისი თქმით, ბევრი ბიზნესისთვის, რომელიც საქართველოსთან თანამშრომლობს, მნიშვნელოვანია, რომ საქართველოდან ექსპორტი მაქსიმალურად მოკლე დროში შეიძლებოდეს. გიორგი ქობულიას განცხადებით, საქართველოს მთავრობა აქტიურად მუშაობს, რათა ამოქმედდეს შავ ზღვაზე რეგულარული საბორნე და ფიდერული მიმოსვლა საქართველოსა და ევროკავშირის ქვეყნების პორტებს შორის. დასასრულს, საქართველოს ეკონომიკისა და მდგრადი განვითარების მინისტრმა გიორგი ქობულიამ გერმანიის ბიზნესწრეების წარმომადგენლებს საქართველოში საქმიანობისას მხარდაჭერა აღუთქვა.
(NS)
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
გვარამია - თუ ვინმე ნაბიჯს დგამს კონსტიტუციური წყობილების დასამხობად და არის გასაუქმებელი, ეს არის ოცნება
კვლევა: თბილისში ყველაზე იაფ უბანშიც კი ბინის იპოთეკა ოჯახების 5%-ისთვის არის ხელმისაწვდომი
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ელენე გვიმრაძე, ექსპრესნიუსის რეპორტიორი 2018 წლიდან



