"ამხანაგებო, ბათუმი საფრთხეშია! ვერაგი მთავრობა თავისი ცემენტიანი ხელებით ეპოტინება ბათუმს, მაგრამ ჩვენ არ დავთმობთ ჩვენს ქალაქს!

ქუდზე კაცი და კოლგოტზე ქალი, ძველი ბათუმის დასაცავად!" - ამ შინაარსის პროკლამაციები სტუდენტმა ბათუმის დრამატული თეატრის მესამე იარუსიდან გადმოყარა, სადაც საპრემიერო ჩვენებას პრემიერ მინისტრი მამუკა ბახტაძე, საქართველოს პრეზიდენტი სალომე ზურაბიშვილი, აჭარის მთავრობის თავმჯდომარე თორნიკე რიჟვაძე და სხვა ოფიციალური პირები ესწრებოდნენ. 

  "ჩვენი ქალაქი არის საფრთხეში, ქაოსური განაშენიანებით და ძველი ბათუმისთვის საფრთხის შექმნით. ამ ქაოსურად განაშენიანებულ ქალაქში შეუძლებელია იყო ბედნიერი, არაფერი კეთდება ჩვენთვის, მოქალაქეებისთვის. ისტორიული ზონაც თუ არ დაზარალებულა, მალე დაემუქრება საფრთხე. ისტორიული ზონის დამტკიცებასაც ვერ ვეღირსეთ, მე შევეცადე ყველა ფორმით მიმეწვდინა ხმა და მეთქვა მათთვის ჩვენი სათქმელი, თუ რა გვაწუხებს მოქალაქეებს" - განაცხადა მარიამ მუთიძემ. 

აქცია-პერფომანსს გამოეხმაურა სპექტაკლზე მყოფი პარლამენტის წევრი. მარიამ ჯაში აცხადებს, რომ სიტყვის გამოხატვისა და მოქალაქის პოზიციის დაფიქდირების საინტერესო გამოხატვის ფორმა იყო.

"ჩვენ ვიხილეთ ძალიან საინტერესო საპროტესტო აქცია, სპექტაკლის დასრულების შემდგომ. ბათუმი აგრძელებს ინოვაციურ მიდგომებს სიტყვის თავისუფლების თვალსაზრისით, ყველა მოქალაქის მოსაზრებაა გასათავლისწინებელი".

ძველი ბათუმის დაცვის ზონის ამოქმედებას მოქალაქეები, საინიციატივო ჯგუფი "დაიცავი ძველი ბათუმი" და საზოგადოება "ბათომი" 2016 წლიდან ითხოვენ, ბოლო პერიოდში კი გამოსვლები და აქციები  ინტენსიური გახდა. 

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს