გარემოსდაცვითი ზედამხედველობის დეპარტამენტის, მცხეთა-მთიანეთის სამსახურის თანამშრომლებმა პრევენციული ღონიძიებების გატარების შედეგად, უკანონო თევზჭერის რამდენიმე ფაქტი გამოავლინეს.

 კერძოდ, გარემოს დაცვის სამინისტროს ინფორმაციით, სამართალდამრღვევები ქალაქ მცხეთისა და სოფელ ძეგვის მიმდებარედ, მდინარე მტკვარსა და მდინარე არაგვზე კანონმდებლობით აკრძალული თევზსაჭერი მოწყობილობით - ელექტროშოკური აპარატებით ახდენდნენ თევზის მოპოვებას.

კანონდამრღვევებს ელექტროშოკური აპარატები ჩამოერთვათ . ასევე, განხორციელდა უკანონოდ მოპოვებული სხვადასხვა ჯიშის თევზის კონფისკაცია.

„აღნიშნული ფაქტები შეიცავს სისხლის სამართლის ნიშნებს, მასალები შემდგომი რეაგირებისთვის გადაეგზავნება საგამოძიებო ორგანოებს.

თევზჭერისა და ნადირობის წესების   დაცვის მიზნით, გარემოსდაცვითი ზედამხედველობის დეპარტამენტი საქართველოს მთელ ტერიტორიაზე განაგრძობს პრევენციულ ღონისძიებებს“, – აცხადებენ უწყებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დრონებმა რუსეთის ვოლგოგრადისა და სამარის რეგიონებს შეუტიეს, ნავთობგადამამუშავებელ ქარხანას ცეცხლი გაუჩნდა

ნატოს გამანადგურებლებმა ლიეტუვის საზღვრის დარღვევის გამო დრონი ჩამოაგდეს

FT: პუტინს არ სურს ტრამპის მიერ უკრაინასთან გამოცხადებული ენერგეტიკული ზავის დადება

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას