|
2019-03-19 16:38:20, 1612 ნახვა
ეკონომიკა
გიორგი ქობულია ევროკომისარ სესილია მალმსტრომს შეხვდა
ეკონომიკისა და მდგრადი განვითარების მინისტრი გიორგი ქობულია ევროკომისარს ვაჭრობის საკითხებში სესილია მალმსტრომს შეხვდა, რომელიც საქართველოში ოფიციალური ვიზიტით იმყოფება. შეხვედრაზე მხარეებმა განიხილეს საქართველოს მიერ ევროკავშირთან თავისუფალი ვაჭრობის შეთანხმების ფარგლებში აღებული ვალდებულებების შესრულების მიმდინარეობა, აგრეთვე ის შესაძლებლობები, რომელსაც ქართული კომპანიები მიიღებენ მათ მიერ წარმოებული პროდუქციისა და მომსახურების ევროკავშირის ბაზარზე ექსპორტის შემთხვევაში. „ჩვენ დღეს ძალიან შედეგიანი შეხვედრა გავმართეთ. განვიხილეთ შესაძლებლობები იმისა, თუ როგორ შეიძლება ქართულმა კომპანიებმა მეტი პროდუქცია გაყიდონ ევროკავშირის ბაზარზე", - განაცხადა ეკონომიკისა და მდგრადი განვითარების მინისტრმა გიორგი ქობულიამ შეხვედრის დასრულების შემდეგ. მისი თქმით, ქართველი მწარმოებლების წინაშე დღეს ბარიერს წარმოადგენს ადგილობრივად წარმოებული პროდუქციის შესაბამისობა ევროკავშირის სტანდარტებთან და მოთხოვნებთან. „ევროკავშირი და ევროკომისია გააგრძელებს დახმარებას, რომ ჩვენმა მცირე და საშუალო ბიზნესმა ხარისხის იმ სტანდარტებს მიაღწიოს, რომლებიც საჭიროა ევროკავშირის ბაზარზე დასაშვებად. გარდა ამისა, ჩვენ ასევე ვიმუშავებთ ადგილობრივ მეწარმეებთან, მივაწვდით სათანადო ინფორმაციას და დავეხმარებით წარმოებული პროდუქციის ევროპის ბაზრებზე გასატანად“, - განაცხადა გიორგი ქობულიამ. კიდევ ერთი საკითხი, რომელიც საქართველოს ეკონომიკისა და მდგრადი განვითარების მინისტრმა ევროკომისართან განიხილა, საქართველოს სატრანსპორტო - ლოგისტიკური სისტემის ეფექტურობის ამაღლებას შეეხებოდა. „ჩვენ უნდა ავამაღლოთ საქართველოს ტრანსპორტირებისა და ლოგისტიკის ეფექტურობა, რომ ჩვენს მწარმოებელს კიდევ უფრო იაფი დაუჯდეს საქონლის ტრანსპორტირება და რეალიზაცია ევროპის ბაზრებზე“, - განაცხადა გიორგი ქობულიამ. შეხვედრაზე განხილულ იქნა აგრეთვე ის გამოწვევები, რაც თან ახლავს ევროკავშირთან აღებული ვალდებულებების შესრულებას, მათ შორის არის იმ ლაბორატორიების ნაკლებობა, რომლებიც აუცილებელია ექსპორტზე გასატანი პროდუქციის შესაბამის მოთხოვნებთან შესაბამისობის დასადასტურებლად და ასევე ბაზარზე ზედამხედველობის განსახორციელებლად. „შეხვედრა ძალიან ნაყოფიერი იყო. ჩვენ ვხედავთ, რომ სავაჭრო ურთიერთობები ჯანსაღია, მაგრამ თავისუფალი ვაჭრობის შეთანხმების ფარგლებში არსებობს უზარმაზარი აუთვისებელი პოტენციალი. ეკონომიკის მინისტრთან ერთად ვისაუბრეთ იმაზე, თუ როგორ შეგვიძლია ერთობლივად ვიმუშაოთ იმისათვის, რომ ქართულმა კომპანიებმა სრულად ისარგებლონ არსებული შესაძლებლობებით“, - განაცხადა ევროკომისარმა ვაჭრობის საკითხებში სესილია მალმსტრომმა.
(NS)
18 წლის განმავლობაში ეს პირველი შემთხვევაა, როდესაც ალასკაში სენატის არჩევნები დემოკრატმა მოიგო
ფარულავა - პაპაშვილი, ჩვენს თანამოქალაქეებს პირდაპირ უცხადებს, რომ სამუშაო ძალას შემოიყვანენ ინდოეთიდან, შემოიყვანენ შუა აზიიდან - ანუ, ქართველებს შუა აზიელებით ჩაანაცვლებენ
გვარამია - თუ ვინმე ნაბიჯს დგამს კონსტიტუციური წყობილების დასამხობად და არის გასაუქმებელი, ეს არის ოცნება
კვლევა: თბილისში ყველაზე იაფ უბანშიც კი ბინის იპოთეკა ოჯახების 5%-ისთვის არის ხელმისაწვდომი
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



