გვეუბნებიან რომ ხურვალეთში სიმშვიდეა, თუმცა არსებული მდგომარეობა საკუთარი თვალით უნდა ვნახო, - ამის შესახებ ნტისაოკუპაციო მოძრაობა „ძალა ერთობაშიას“ წარმომადგენელმა, დავით ქაცარავამ განაცხადა.

სამოქალაქო აქტივისტები  საგუშაგოსთან არიან შეკრებილები. ისინი 12:00 საათისთვის გეგმავენ იმ ადგილზე შესვლას, სადაც მათი თქმით, გუშინ რუსი სამხედროები შენიშნეს.

„ვფიქრობთ, რომ პოლიცია არ მოგცემს შესვლის შესაძლებლობას. ვესაუბრე ლუდა სალიას, ის ამბობს, რომ ამ დროისთვის სოფელში სიმშვიდეა და იქ რუსების გადაადგილება არ შეინიშნება. მიუხედავად ამისა, მინდა, საკუთარი თვალით ვნახო არსებული მდგომარეობა“, – აღნიშნა დავით ქაცარავამ.

არსებული ინფორმაციით, ადგილობრივი მოსახლეობა სოფელ ხურვალეთის მიმართულებით დაუბრკოლებლად გადაადგილდება.

შეგახსენებთ, სოციალურ ქსელში გავრცელდა ინფორმაცია, რომ სოფელ ხურვალეთში რუსი სამხედროები ქართული მხარის მიერ კონტროლირებად ტერიტორიაზე გადმოვიდნენ და მოსახლეობის კუთვნილ ბაღებში განთავსდნენ. ხურვალეთში მიმდინარე პროცესებთან დაკავშირებით განცხადება სახელმწიფო უსაფრთხოების სამსახურმა გაავრცელა. ოკუპანტების ქართული მხარის კონტროლირებად ტერიტორიაზე გადმოსვლა სუს-მა არ დაადასტურა და ყველას მოუწოდა, პროვოკაციული განცხადებებისგან თავი შეეკავებინათ. ამასთან, ოკუპანტების ქართული მხარის მიერ კონტროლირებად ტერიტორიაზე გადმოსვლას არც ევროკავშირის მისიას დაუდასტურებია. 

ავტორი: ,

სოციალური ქსელები

Bloomberg: ნატო უკრაინაში რუსეთის დანაკარგებს გასულ თვეში 50 000 ადამიანს აფასებს

Axios: პუტინი ჯერ არ დაეთანხმა ტრამპის მიერ უკრაინასთან გამოცხადებულ ენერგეტიკულ ზავს.

Axios: ვიტკოფმა და კუშნერმა მოსკოვში ვიზიტი გადადეს

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა