პრეზიდენტის პრესსპიკერის ხატია მოისწრაფიშვილის განცხადებით, პრეზიდენტის ადმინისტრაციისთვის საპატრიარქოს მსჯავრდებული დეკანოზის შეწყალების თხოვნით ამ დრომდე არ მიუმართავს.

მოისწრაფიშვილის განმარტებით, ვინაიდან განცხადება შესული არ არის, შეწყალების კომისია დეკანოზ გიორგი მამალაძის საკითხს ჯერჯერობით ვერ განიხილავს. 

„განცხადება შემოსული არ არის საქართველოს პრეზიდენტის ადმინისტრაციაში, შესაბამისად არ მიმდინარეობს განხილვა", - განაცხადა მოისწრაფიშვილმა.

ცნობისთვის, ვანისა და ბაღდადის მიტროპოლიტმა, მეუფე ანტონიმ განაცხადა, რომ საპატრიარქო მზად არის დეკანოზი გიორგი მამალაძე შეიწყალოს. 

რაც შეეხება ზოგადად შეწყალების კომისიას, პრეზიდენტის პრესსპიკერი აღნიშნავს, რომ კომისია იმგვარად დაკომპლექტდება, რომ შეწყალების აქტის შემდეგ გაჩენილ ნებისმიერ შესაძლო კითხვას პასუხს სცემდეს.

„თავად კომისიის კონცეფციას, რომელსაც დაეფუძნება ახალი კომისია, იქნება მაქსიმალურად დაკომპლექტებული ისე, რომ ნებისმიერი კითხვა, რომელიც შესაძლებელია ნებისმიერი შეწყალების შემდეგ არსებობდეს, იქნება პასუხგაცემული“, - აღნიშნა მოისწრაფიშვილმა.

ავტორი: ,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება