იაპონელებმა შექმნეს რობოტი, რომელიც ტაძარში ცხოვრობს და წირვას ატარებს -ექსპრესვიდეო

2019-03-01 22:31:05, 8281 ნახვა

High - Tech

კიოტოში არსებული ტაძრის კოდაიძის ბერმთავრებმა ოსაკას რობოტმშენებლობის უნივერსიტეტს უცნაური თხოვნით მიმართეს, შეექმნათ ქალღმერთი ქანონის (მიტევების ქალღმერთი ბუდიზმში) გარეგნობის მქონე ანდროიდი-წერს The Telegraph.

რობოტის შექმნა უნივერსიტეტს 100 მილიონი იენა (დაახლოებით 1 000 000 $) დაუჯდა. ანდროიდმა პირველი წირვა კოდაიძის 400 წლიან ტაძარში თებერვლის თვეში უკვე აღავლინა. ტაძრის ადმინისტრაციის თქმით, რობოტის წირვებს რეგულარულ ხასიათი მიეცემა. ქანონის მარცხენა თვალში ვიდეოკამერაა დამონტაჟებული, რაც მას აუდიტორიასთან ვიზუალური კონტაქტის დამყარებაში ეხმარება. აგრეთვე ცნობილია რობოტის გაბარიტები-ქანონის სიმაღლე 2 მეტრი და 2 სანტიმეტრია, ის 59 კილოგრამს იწონის. ანდროიდის "კანი" სილიკონისგან და პოლიმეტებისგან დამზადებული ელასტიური ნაზავია, მაგრამ ის მას დიდად არ სჭირდება, რადგანაც "კანით" რობოტის მხოლოდ ზედა ნაწილის უმეტესობაა დაფარული, ხოლო ქვედა ნაწილი მთლიანად მექანიკურია.

ცნობილია, რომ ქანონი წირვებს იაპონურ, ჩინურ და ინგლისურ ენებზე წაიკითხავს.