მე და ბიძინა ივანიშვილი მთავარ საკითხზე ვერ შევთანხმდით - მოსამართლეების თემაზე მხარე გახდა, - ამის შესახებ დეპუტატმა გედევან ფოფხაძემ დღეს გამართულ პრესკონფერენციაზე განაცხადა.

მისივე თქმით, ბიძინა ივანიშვილთან პრეტენზიები აქვს, მაგრამ მის მიმართ აგრესიული რიტორიკა არ ექნება.

„რადგან მივდივარ გუნდიდან, გასაგებია, რომ ჩემი რესურსი ამოვწურე, მათ შორის ბიძინა ივანიშვილთან სხვადასხვა საკითხთან დაკავშირებით. თუ კი იმის იმედი მექნებოდა, რომ ჩემს პოზიციას რაიმესთან დაკავშირებით გაითვალისწინებდა, მაშინ ალბათ, იმის ვალდებულებაც მექნებოდა, ჩემი პოზიციის მტკიცება გამეგრძელებინა. ჩვენ მთავარ საკითხზე ვერ შევთანხმდით. განსხვავებული აზრის მიუხედავად, უფლება უნდა გვქონდეს, ამ განსხვავებული აზრის შესახებ ქართველ ხალხს ველაპარაკოთ. ამ საკითხზე ჩემსა და ბიძინა ივანიშვილს შორის განსხვავებული აზრი იყო. „ქართულ ოცნებას“ თუ ეყოლებოდა მედიატორი, რომელიც მხარეთა შემრიგებლურ პოზიციაზე იმუშავებდა და არ იქნებოდა თვითონ მხარე, ეს მოგვცემდა გარკვეულ პოლიტიკურ სივრცეს სამოქმედოდ და ეს იქნებოდა ძალიან კარგი. ბატონი ბიძინა ამ პირობას იძლეოდა კიდეც, მაგრამ მე მგონია, რომ მოსამართლეების თემაზე ის გახდა მხარე“, - აღნიშნა გედევან ფოფხაძემ.

ავტორი: ,

სოციალური ქსელები

სატვირთო მანქანების სომეხი მძღოლები, რომლებსაც კონიაკი გადაჰქონდათ, დაახლოებით ერთი თვეა ლარსზე იმყოფებიან: რუსული მხარე ექსპერტის შეფასებას ითხოვს

ნიუ-დელიში გამართულ საპროტესტო აქციაზე ოპოზიციის ლიდერები დააკავეს

ფავლენიშვილი- უპრეცედენტო შემთხვევაა ჩვენი ქვეყნის ისტორიაში, როდესაც ადამიანი თვითონ აცხადებს, რომ გახდა გაუპატიურების მსხვერპლი პენიტენციურ სისტემაში

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს