საქართველოს პრემიერ-მინისტრმა ირაკლი ღარიბაშვილმა საგანგებო შტაბის სხდომა დღეს 24 წლის გიორგი ლომიძეზე საუბრით დაიწყო, რომელიც ორი წელია, ტაქსის მძღოლად მუშაობს, თუმცა ბოლო დღეების განმავლობაში მგზავრებს უფასოდ ემსახურება.

მთავრობის მეთაურის შეფასებით, ის არის გამორჩეული ახალგაზრდა, რომელსაც დაფასება სჭირდება.
„ვფიქრობ, ეს 24 წლის ახალგაზრდა უკვე გამორჩეული ადამიანია. ჩვენ უნდა ვეძიოთ ასეთი ადამიანები, გამოვარჩიოთ საზოგადოებისგან. ვფიქრობ, ამ ახალგაზრდა კაცს, სტიქიის დასრულებისთანავე, თქვენ სამსახურიც უნდა მოუძებნოთ“, - მიმართა პრემიერმა თბილისის მერს.

ირაკლი ღარიბაშვილი მიიჩნევს, რომ ის გამორჩეული ადამიანები, რომლებმაც ამ დღეების განმავლობაში საზოგადოებას თავი გმირობით დაამახსოვრეს, უნდა იყვნენ წარდგენილნი შესაბამის ჯილდოზე.
პრემიერ-მინისტრის სურვილია, პირადად შეხვდეს ამ ადამიანებს და მათ მთავრობის და მთელი ქვეყნის სახელით მადლობა გადაუხადოს.

„ეს არის უპრეცედენტო სოლიდარობა ჩვენი საზოგადოების მხრიდან და მინდა, კიდევ ერთხელ მადლიერებით აღვნიშნო მათი აქტიურობა“, - აღნიშნა პრემიერ-მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო