ქირურგიის ეროვნული ცენტრის დაცვის თანამშრომლები ეგვიპტის მოქალაქეს ფიზიკურად გაუსწორდნენ, - ამის შესახებ "ექსპრესნიუსს" დაზარალებულის ადვოკატმა თამარ მჭედლიშვილმა განუცხადა.

დაპირისპირება მას შემდეგ დაიწყო, რაც ეგვიპტის მოქალაქემ მამის სხეულზე ცოცხალი მატლები აღმოაჩინა და განაცხადა, რომ საავადმყოფოს წინააღმდეგ სარჩელს შეიტანდა.

როგორც ადვოკატმა აღნიშნა, მომხდართან დაკავშირებით გამოძიება არის დაწყებული და მისი დაცვის ქვეშ მყოფი სამართალდამცველებმა გუშინ გამოკითხეს.

"ჩემი დაცვის ქვეშ მყოფმა მამამისის სხეულზე აღმოაჩინა მატლები და სავადმყოფოს წინააღმდეგ სარჩელის შეტანა გადაწყვიტა. წინა დღით საჩივარი საავადმყოფოს ადმინისტრაციასთანაც დაფიქსირდა. ოჯახის წევრებმა მოითხოვეს, რომ პაციენტისთვის სათანადოდ მიეხედათ. გუშინ მათ სხეულზე მატლების არსებობის დამადასტურებელი სახვევები უნდა გამოეტანათ საავადმყოფოდან, ამან გამოიწვია საავადმყოფოს პერსონალის გაღიზიანება. დაცვის თანამშრომლებმა ჩემი დაცვის ქვეშ მყოფს ფიზიკური შეურაცხყოფა მიაყენეს. სამართალდამცველებმა გამოძიება უკვე დაიწყეს. შემთხვევა გუშინ მოხდა. გამოკითხვა შედგა და ახლა დასრულდა ექსპერტიზა", - განაცხადა ადვოკატმა.

კითხვაზე ხომ არ უკავშირდება დაცვის თანამშრომლების მხრიდან გამოვლენილი ძალადობა ეგვიპტის მოქალაქის ორიენტაციას, ადვოკატმა აღნიშნა, რომ თავდასხმა სიძულვილის მოტივით არ მომხდარა.

"ამ შემთხვევაში თავდასხმის მოტივი მისი ორიენტაცია არ ყოფილა. გაღიზიანება გამოიწვია იმ ფაქტმა, რომ ჩემი დაცვის ქვეშ მყოფი სარჩელის შეტანას აპირებდა. სიძულვილის მოტივი არ ყოფილა", - აღნიშნა მჭედლიშვილმა "ექსპრესნიუსთან" საუბარში.

ავტორი: ,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება